هاتیجه كی یه و چاوا ل سلێمانیێ هات كوشتن؟
ئیستخباراتا ده‌وله‌تا تركیێ، رێڤه‌به‌را كه‌جه‌كێ یا ب ناڤێ «هاتیجە هەزەر» ل پارێزگه‌ها سلێمانیێ كوشت و ئه‌شكه‌ره كر، تیما كو ئه‌ڤ ئۆپه‌راسیۆن ئه‌نجام دایی، ڤه‌گه‌رییه.
مەدیایا فەرمی یا ترکیێ ئیرۆ رۆژا پێنجشه‌می 28/7/2022ێ راگهاند، ئەنداما کۆنسەیا رێڤەبەرا پکک/کجک «هاتیجە هەزەر» ب کۆدناڤێ «بێریڤان زیلان» د ئۆپەراسیۆنەکە تایبەتا ئستخباراتا ترکیێ (میتێ) دە ل سلێمانیێ هاتیە ئارمانجکرن و ژیانا خوە ژ دەست دایە.
ئاژانسا فەرمی یا ترکیێ راگهاند، جهێ هاتیجە هەزەر ژ ئالیێ میتێ ڤە هاتبوو دیارکرن و پاشێ د ئۆپەراسیۆنەکێ دە ل سلێمانیێ هاتیە ئارمانجکرن.
ل گۆر هەمان چاڤکانیێ، هاتیجە هەزەر د سالا 1991ێ دا تەڤلی پککێ بوویە.
ئاژانسا فەرمی یا ترکیێ دیار كریه، «تیمێن کو بەشداری ئۆپەراسیۆنێ بوون پشترە ب سلامەتی ڤەگەریان ترکیێ».
په‌كه‌كێ دەربارێ مژارێ دە هێژ ت داخویانی نەدانە و ئەڤ ئیدیعایا مەدیایا فه‌رمی یا ترکیێ هێژ ژ ئالیێ په‌كه‌كێ ڤە نەهاتیە پشتراستکرن و نه‌ژی هاتیە رەدکرن.
مەدیایا ترکیێ راگهاندیە کو هەزەر د سالا 2004ان دە بەرپرسیارا رێخستنا ژنان یا كه‌جه‌كێ په‌ژا شاخا ئەرمەنستانێ بوویە، سالا 2008ان د ناڤ رەفێن هه‌په‌گێ دە و سالا 2011ان ل کامپا مەخموورێ بەرپرسیار بوویە و د سالا 2017ان دە ل رۆژئاڤایێ کوردستانێ بەرپرسا پارتیا ژنێن ئازاد یا کوردستانێ (پژاک) بوویە.
هاتیجە هەزەر خویشکا پارلامەنتەرا بەرێ یا هه‌ده‌پێ یا وانێ تووگبا هەزەر ئۆزتورکە، هەروها خویشکا مووسا کازم هەزەرە کو د سالا 1998ان دە د پەڤچوونەکێ دە ژیانا خوە ژ دەست دایە.
براستی ژی هاتیجه ل سلێمانیێ هاتییه كوشتن؟
ل گۆری ئاگاهیێن تایبه‌ت یێن پێگه‌ها «داركا مازی»، ئه‌نداما كونسه‌یا كه‌جه‌كێ «هاتیجه» یا ب كۆدناڤێ «بێریڤان زیلان» ئه‌شكه‌ره كرن كو زیلان نه ل ناڤه‌ندا سلێمانیێ هاتیه هه‌ده‌ف گرتن.
ده‌ستنیشان كرن كو «هاتیجه» ل 17 خزیرانا ئیسال 2022ێ ل سینۆرێ كه‌لارێ هاتییه هه‌ده‌ف كرن، لێ به‌لێ ژ نوو میتێ تاسفیه كرنا وێ ئیلان كر.
ل 17 خزیرانێ چ ل كه‌لارێ قه‌ومی بوو؟
ھات راگھاندن کو د وێ ئۆتۆمۆبیلێ دا یێن ژیانا خوە ژ دەست دانە ھەموو ئەندامێن پەکەکێ نە، ل هه‌مان رۆژێ مەجلیسا رێڤەبەرا رێڤەبەریا خوەسەرا رۆژئاڤا داخویانیەک دا و راگھاند کو یەک ژ کەسێن ژیانا خوە ژ دەست دانە رێڤەبەرێ وان یێ ب ناڤێ «فه‌رهاد شبلی» یە، لێ به‌لێ ناڤێ هه‌رسێ ژنێن مایی نه‌هات زانین.
چاڤكانیێن مه ئه‌شكه‌ره كرن، هه‌رسێ ژنێن دن یێك ژێ «ده‌لال عه‌زیزئۆغلو» ب كۆدناڤێ «راپه‌رین ئامه‌د» بوو، هه‌روه‌ها ژنا دن یا كو ژیانا خوه ژ ده‌ست دای «هاتیجه هه‌زه‌ر» ب كۆدناڤێ «بێریڤان زیلان» بوو، ژنا سێیه‌مین ژی هێژان نه‌هاتیه پشتراست كرن.
ل گۆری ڤان ئاگاهییان تشتا كو ئیستخباراتا ده‌وله‌تا تركیێ ئیرۆ ده‌ربارێ هه‌ده‌ف گرتنا زیلانێ ئیلان كری، نه وسایه، لێ به‌لێ یا راست زیلان ل 17 خزیرانێ د ئۆتۆمۆبیلا فه‌رهاد شبلی ده هاتیه كوشتن.
