د ئێریشا دەولەتا ترکا یا 6 تەباخێ ل قامشلۆیێ، کادرۆیێ په‌كه‌كێ یێ رۆژهلاتێ کوردستانێ «یوسف ره‌بانی» ب ناسناڤێ کۆد «رێزان رۆژهلات – جاوید» ژیانا خوە ژ دەست دا، لێبه‌لێ هەتا نها ناسنامەیا کادرۆیێن دن یێن په‌كه‌كێ كو د وێ ئێریشێ دە ژیانا خوە ژ دەست دانە، نەهاتیە ئەشکەرەکرن.
دەربارێ ناڤێن وەکی لەیلا وان و ئەنگین کارائاسلان «حه‌یده‌ر» چ داخویانی نەهاتنە دان، ئەو داخویانیێن هاتن بەلاڤکرن ژی کانێ وان ل کو دەرێ ژیانا خوە ژ دەست دانە، نەهاتیە ئاشکەرە کرن.
پەکەکێ چما دییار کر کو رێزان جاوید ل رۆژئاڤا ژیانا خوە ژ دەست دایە
رۆژنامەڤان عەلی جەوانه‌مەردی دەربارێ رێزان جاویدێ رۆژهلاتی كو ل رۆژئاڤا ژیانا خوە ژ دەست دایه، داخویانیێن گرنگ دان
«دارکا مازی»، د گۆتارا خوە دە نڤیسیبوو کو رێزان جاوید بەرێ ژی خوەستبوو ژ په‌كه‌كێ دەرکەڤە، لێ هات گرتن و ژ بۆ رێگرتنێ ل ڤەقەتینا وی ژی ئەو شانده رۆژئاڤایێ كوردستانێ، ل سەر ڤێ مژارێ یەک ژ ناڤێن گرنگێن چاپەمەنیا کوردی و رۆژنامەڤانێ خوەدی تەجرووبە «عەلی جەوانه‌مەردی» ژی داخویانیەک وەشاند.
رۆژنامەڤان عەلی جەوانه‌مەردی د داخویانیا خوە یا ل سەر تۆرا جڤاکی وێنەیێن خوه یێن دەما هەڤدیتن ب رێزان جاوید كری بەلاڤ کرن، هەروه‌ها بانگ ل جوانێن رۆژهلاتێ کوردستانێ ژی کر.
جوانه‌مەردی چ گۆت؟
یۆسف رەبانی، بەرنیاس ب رێزان جاوید، شۆرەشگەرەکی نەرازی ژ جورێ خەباتا په‌كه‌كێ و دوورکەتی ژ خەباتا رۆژهلات، ل قامشلۆیێ ب سەدەما بۆمبەبارانا ترکیێ، شەهید کەت.
چما جوانێن رۆژهلات دڤێ ل قامشلۆیێ وەرن شەهیدکرن، د دەمەکی دە ولاتێ داگیرکریێ مە ب سەدەما مەلەیان د خەرابترین رەوش دە یە؟!
په‌كه‌كه بەشەکە ژ میحوەرێ مقاوەمێ یێ رەژیما ئیرانێ و جەمیل بایک ڤه‌كری و ب فەرمی ئەڤ یەک راگهاندیە کو ئه‌و ب ئیران و رووسیایێ رە نە.
جوانێن رۆژهلات دڤێ راستیان ببینن و ژ خەتا مقاوەمەتا ئیرانێ دوور بکەڤن.
رێزان جاوید، هەول دا ژ په‌كه‌كێ قوت ببە، لێ ئەو بر و شاندە رۆژئاڤا و ژ فەرمانداریا ئ دوور خست.
رێزان پشتی 2017ان و خیانەتا کەرکووکێ، ب رێیا هه‌ڤاله‌كێ هەڤبەش کو ئەندامێ بەرێ یێ په‌كه‌كێ بوو په‌یوەندی ب مە رە کر کو رێیەکێ ژ بۆی وی ببینین، لێ مخابن ئەم نەکارین.
داخویانییا عەلی جوانه‌مەردی نووچەیا «دارکا مازی» پشتراست دکە
داخویانیا جەوانه‌مەردی ب زەلالی ددە خویاکرن کو ب چ سەبەب رێزان رۆژهلات ل رۆژئاڤایە، ئەڤ یەک ژی داخویانیا بەرێ یا مالپەرا مە یا ل سەر مژارا رێناس پشتراست دکە.
رێزان جاوید، پشتی سالا 2016ێ ل رێیەکێ گەریا کو ژ په‌كه‌كێ دەرکەڤە، لێ وی نەکاری ڤێ پلانا خوە سەر بخە.
د په‌كه‌كێ – پژاکێ دە هەبوونا جوانێن رۆژهلاتێ کوردستانێ
پرسا جەوانه‌مەردی یا «هوون د ناڤ رەفێن په‌كه‌كێ دە چ دکن»، ژ بۆ جوانێن رۆژهلاتێ کوردستانێ ژی مژارەکە پڕ گرنگە، په‌كه‌كه کو ب ئیرانێ رە شریکێ ستراتەژیکە و ژ سالا 2011ێ ل هەرێمێ ل گۆری سیاسەتا ئیرانێ تەڤدگەرە، جوانێن رۆژهلاتێ کوردستانێ ب ناڤێن کۆدار، یرک، پژاک و … هتد کۆم دکە، لێ پێشی ل تێکۆشینا گەلێ رۆژهلاتێ کوردستانێ یا نەتەوەیی یا ل دژی رژێما ئیرانێ دگرە، هەروه‌ها په‌كه‌كێ هەتا نها دژمناتیا هەموو رێخستنێن سیاسی یێن هەری گرنگێن رۆژهلاتێ کوردستانێ وەک KDP-î, HRK, KOMALA و.. هتد ب توندی کرییە، د سالا 2016ێ دە ئێرشی هێزێن پێشمەرگەیێن کو دخوەستن دەرباسی رۆژهلاتێ کوردستانێ ببن کر و پێشمەرگە یەک شەهید بوو، په‌كه‌كێ ژ بۆ دەولەتا ئیرانێ ئەرکا پاسەوانێن سنۆری دگێریت و دخوازیت ب هاریکارییا ئیرانێ ل ئیراقێ و باشوورێ کوردستانێ ببیته هێزەکا سیاسی.
