مەرال ئاکشەنەر: ھەتا 1ێ ئیلۆنا 2026ێ ئەم دێ ھەموو پەنابەران بشینن

مەرال ئاکشەنەر: ھەتا 1ێ ئیلۆنا 2026ێ ئەم دێ ھەموو پەنابەران بشینن

ل ترکیێ کێشەیا پەنابەران، لگەل نێزیکبوونا ھلبژارتنان ژ ئالیێ پارتیێن سیاسی ڤە زێدەتر تێ ئاخافتن. دوھ سێشەمبێ پارتیا IYI بەرنامەیا خوەیا پاشڤە ڤەگەراندنا پەنابەران بۆ رایا گشتی پارڤە کر.

سەرۆکا پارتیا IYI مەرال ئاکشەنەر، ژ بۆ پاشڤە شاندنا پەنابەران دەم ژی دیار کر و گۆت، “ھەتا 1ێ ئیلۆنا سالا 2026ێ ئەم دێ ھەموو پەنابەرێن سووری ڤەگەرینن وەلاتێ وان”.

ئاکشەنەر ئیدیعا کر کو ل ترکیێ ھەری کێم، 8 ملیۆن پەنابەر ھەنە و ترکیا بوویە “عەمبارا” پەنابەران. سەرۆکا پارتیا IYI ل سەر ڤێ یەکێ سەرۆک کۆمارێ ترکیێ رەجەب تەییب ئەردۆگان تاوانبار کر و گۆت، ژ بۆ چارەسەریا ڤێ کێشەیێ، دیالۆگا لگەل بەشار ئەسەد شەرتە.

ئاکشەنەر د سالا 2016ێ دا ژ پارتیا نەتەوپەرەست مەھەپێ ڤەقەتیابوو. پشترا پارتیەک نێزی نێرینا مەھەپێ، ب ناڤێ پارتیا IYI دامەزراند.

سەرێ ھەفتەیێ ژی ئاکشەنەر ب گۆتنێن خوەیێن وەک “ھەگەر ل جھەکێ ھەدەپە ھەبە ئەم ل وێ دەرێ نینن” ھاتبوو رۆژەڤێ.

پوستێن ھەمان بەش