جیگرێ سەرۆکێ گشتی یێ مەھەپێ فەتی یلدز و جیگرێ سەرۆکێ گشتی یێ ئاک پارتیێ حوسەیین یایمان د ھەڤپەیڤینەکێ دە لگەل رۆژنامەڤان یاڤوز دۆنات ھوورگلیێن نوویێن دەربارێ پێڤاژۆیا سیاسی و یاسایا چارچۆڤەیێ دە ئەشکەرا کرن.
فەتی یلدز دا زانین کو بریارە ھەتا داویا مەھا مژدارێ ئەنجامەکا بەرچاڤ دەرکەڤە ھۆلێ و پشترە قۆناغا جیبجیکرنا یاسایێ ژ بۆ گرتیان دەست پێ بکە. یلدز دیار کر کو دێ نێزیکی 2 ھەزار و 800 کەس ژ ڤێ یاسایا نوو سوودوەرگر ببن، لێ تەکەز کر کو کادرۆیا دامەزرینەرا رێخستنێ (کو نێزیکی 230 کەسن) ژ ڤێ دەرفەتێ بێپار دمینن. وی بال کشاند سەر پەژراندنا یاسایێ ل مەجلسێ ب 467 دەنگان و ئەو وەکی “نیشانەیا بریارداریا ئیرادەیا نەتەوەیی” ب ناڤ کر، ھەر وسا خەتا سۆرا چار خالێن یەکەم یێن دەستوورێ ژی ب بیر خست.
ژ ئالیێ خوە ڤە، حوسەیین یایمان راگھاند کو ئەڤ گاڤ پۆلیتیکایەکا ھەڤپارا دەولەت و ملەتییە کو ب ھەڤرێزیەکا بێدەنگ برێڤە دچە. یایمان مەرجێن سەرەکی یێن دەولەتێ دوپات کرن کو ئەو ژی دانینا چەکان و ڤالاکرنا شکەفتان د زووترین دەم دە نە، و دا زانین کو پشتی پشتگریا گشتی یا د پارلامەنتۆیێ دە، بەرپرسیاریا ھەموو ئالیانە کو پشتگریێ بدن ڤێ چارەسەریێ.
