ھات راگەھاندن ل سینۆرێ ئازەربایجان و ئەرمەنیستانێ شەر د ناڤبەرا ھێزێن لەشکەری یێن ھەردو دەولەتان دا دەستپێ کریە. ھەردو ئالی ژی ھەڤدو تەوانبار دکن.
ئیرۆ 13/9/2022 وەزارەتا بەرەڤانیا ئازەربەیجانێ راگەھاند، د ئەنجاما زێدەگاڤی و تەحریکێن ئەرمەنیستانێ دا ل سینۆر شەر دەستپێ کریە. وەزارەتا بەرەڤانیا ئازەربەیجانێ دەربارێ ئیدیعایێن کو جیھێن سڤیل و ژێرخانا ئەرمەنیستانێ کرنە ئارمانج ژی رەد کر.
ژ ئالیێ دن ڤە سەرۆکوەزیرێ ئەرمەنیستانێ «نیکۆل پاشنیان» ژی ل گەل سەرۆکێ رووسیایێ ڤلادمیر پوتین و سەرۆکۆمارێ فرانسایێ ئەمانوێل ماکرۆن پێوەندیەکا تەلەفۆنی پێکانی.
ل سینۆرێ ئازەربایجان و ئەرمەنیستانێ د ناڤبەرا ھێزێن لەشکەری یێن ھەردو وەلاتان دا پەڤچوونێن توند دەرکەتن و تێ گۆتن پشتی شەرێ دویەمێ کاراباخێ ئەڤ شەر د ناڤبەرا ئەرمەنیستان و ئازەربەیجانێ دا شەرێ ھەری مەزنە.
وەزارەتا بەرەڤانیا ئازەربایجانێ راگەھاند، ئارتێشا ئەرمەنیستانێ دوھ ب شەڤ بەر ب ناڤچەیێن «داشکەسەن، کەلبەژێر و لاچینێ» ڤە ھەولدانێن ئیستیفزازی پێکانینە.
وەزارەتا بەرەڤانیا ئازەربایجانێ گۆت، ھێزێن چەکدارێن ئەرمەنیستانێ ب ھندەک گرۆپان ڤە د ناڤبەرا چەپەرێن ئارتێشا ئازەربایجانێ دا مین دانینە و دەما یەکینەیێن ئازەربایجانێ ژی ھەول دایە پێشی ل وان بگرە پەڤچوون دەستپێ کرنە.
ژ ئالیێ دن ڤە سەرۆکوەزیرێ ئەرمەنیستانێ نیکۆل پاشینیان، ل گەل سەرۆکێ رووسیایێ ڤلادمیر پوتین و سەرۆکۆمارێ فرانسایێ ئەمانوێل ماکرۆن پێوەندیەکا تەلەفۆنی پێکانی.
ل گۆر داخویانیا ھکوومەتا ئەرمەنیستانێ پاشینیان ل گەل ھەردو سەرۆکان ب تەلەفۆنێ رەوشا پەڤچوونێن داوی گۆتووبێژ کریە و دەربارێ رەوشێ دا ژی نیگەرانیێن خوە ئانیە زمان. سەرۆکۆمارێ فرانسایێ ماکرۆن ژی راگەھاندیە، نابە تەنگەزاری زێدە ببە و دڤێ رەوش بێ ئارام کرن.
ھەروھا چاپەمەنیا ئەرمەنیستانێ ژی راگەھاند، پاشینیان ب شەڤ کۆنسەیا ئەولەھیێ ل ئاڤاھیا حکوومەتێ کۆم کریە و جڤینەک پێکانینە.
ژ ئالیێ دن ڤە وەزیرێ دەرڤەیێ ئامەریکایێ ئانتۆنۆ بلنکەن ژی راگەھاند: “ئامەریکا، ل ھەمبەر جیھێن سڤیل و ئێریشێن ل سەر ژێرخانا ئەرمەنیستانێ پێکتێن ژی د ناڤ دا، ژ وان نووچەیێن پەڤچوونێن د ناڤبەرا ئەرمەنیستان و ئازەربایجانێ نیگەران و ب فکارە. وەک دەمەکی درێژە ئەم دبێژن چارەسەری ب رێیا لەشکەر نابە. ئەم بانگ دکن دڤێ ھەر جورە پەڤچوونێن لەشکەری داوی ببە.”
