کەچەکا 15 سالی کو نەخوەشیا دلی هەیە ژ ئالیێ جوانێن شۆرەشگەر ڤە ھات رەڤاندن

کەچا 15 سالی کو نەخوەشیا دلی هەیە ژ ئالیێ جوانێن شۆرەشگەر ڤە ھات رەڤاندن

کەچا ب ناڤێ «بوشرا ئەدیب کنجۆ» یا 15 سالی بێیی ئاگاھیا مالباتا وێ ل گوندێ خوەیێ کۆبانێ وندا بوو. تەڤی ھەموو سەرلێدانێن مالباتا وی ژی چ ھێزەکا سەر ب پەیەدێ ڤە دەربارێ وێ زارۆکێ دا داخویانی نەدان.

بوویەر ل گوندێ «ھلنجە»یێ کۆبانیێ قەومی. بووشرایا 15 سالی دچوو دبستانێ، خوەندەکار بوو. رۆژەکێ ژ نشکا ڤە وندا بوو، پشترا هات زانین کو ژ ئالیێ جوانێن شۆرەسگەر ڤە ب مەرەما چەکدارکرنا وێ هاتیە رەڤاندن. ھات دیارکرن کو کەچا بچووک نەخوەشیا دلی ھەیە و رەوشا وێ یا تەندورستیێ نە ئارامە و دڤێت ھەر تم د بن چاڤدێریا دۆکتۆری دا بمینە.

رێخستنا جوانان یا پەکەکێ “جوانێن شۆرەشگەر” یا ناڤدارە ب رەڤاندنا زارۆکان ب شێوازێ مافیایی.

کۆما ب ناڤێ “جوانێن شۆرەشگەر” ژ بۆ بدەستخستنا شەرڤانان ھەر تم زارۆکان درەڤینە. تەڤی کو رێڤەبەریا پەیەدێ د 29ێ خزیرانا 2019ێ دا رێکەفتنەک ئیمزا کر و تێ دا دیار کر کو ئەو زارۆکان چەکدار ناکەن، لێ بەلێ هەیا نها ژی زارۆکێن تەمەنێ وان د بن 18 سالیێ دا بەردەوام درەڤینن و چەکدار دکن.

گەر مالباتێن زارۆکێن رەڤاندی بوویەرێ ژ بۆ چاپەمەنیێ ڤەگێرن، رێڤەبەریا پەیەدێ هندەک جاران نەچار دمینە کو پاشدا گاڤ باڤێژە و زارۆکان ل مالباتێن وان ڤەگەرینە.

پوستێن ھەمان بەش