«دارکا مازی» بوو 4 سالی، گەلۆ کینە ئەم؟

darka-mazi-flag-kurd-kurdistan-map (2)

مالپەرا «دارکا مازی» ب تەمامکرنا سالا خوە یا سێیەم ل سەر رێیا رۆنیکرنا هەقیقەتێ دە کەت د سالا خوە یا چاران ده‌.

دارکا مازی، کو د سالا 2019ێ دە دەست ب وەشانا خوه‌ یا تێست کربوو، د مەها جۆتمەهێ دە ب کورمانجی، کورمانجییا ئارامی، سۆرانی، فارسی، عەرەبی و ترکی دەست ب وەشانا خوە کربوو.

دەما دارکا مازی، دەست ب وەشانا خوە کری ناسنامەیا خوە وها ئەشکەرە کر: «ئەم وەشانەکە کوردستانی و نەتەوی نە»، پشترە ژی ژ بۆ رۆنیکرنا بوویەرێن کو کێم تێن زانین د دیرۆکا نێزیك یا کورد و کوردستانێ دە، ژ بۆ ئاشكرا كرنا ئاگاهیێن ساخته‌ یێن ل سەر سیاسەت و رۆژێ هەیی، ئەم کەتن سەر رێکا راستیێ».

دارکا مازی، تەڤی هەموو زەحمەتیێن ئابۆری و تەکنیکی، تەڤی ژیانا خوە یا نەزێدە درێژا وەشانێ، تێکۆشیا کو ل کوردستانێ ببە پێگه‌هه‌كێ مەدیایێ، مالپەرا مە دخوەست ب هەموو زمانێن کو ل سەر هەموو پلاتفۆرمێن مەدیایا جڤاکی وەشانێ دکە ب باندۆر بە، دارکا مازی، ب دەهان ڤیدیۆ، بەلگە و دۆسیایێن ڤەشارتی ل سەر راستیێ لێکۆلین کر.

تیم و خەباتکارێن مە یێن وەشانێ کو تەنێ ژ دلسۆزان پێک تێن، ب هەموو دەرفەتێن خوە هەول دان وەشانا خوە یا د خەتا کوردستانی دە بدۆمینن، دارکا مازی، وەک گاڤەک بچووک، ده‌رفه‌ته‌ك بچووک و ب دەرفەتێن بچووک دەستپێکر، لێ ئەو بێی ترس بێی دودلی ل هەمبەر مەدیایا مێتنگەر و لایه‌نێن ل سەر ناڤێ کوردان حەرەکەتێ دکه‌ن و یێن كو دخوازن فکرا کوردستانی پووچ بکن ئانگۆ وەک ئەختەبۆتەکێ دۆرهێلا جڤاکا کورد دۆرپێچکری راوه‌ستیا، ئیفشا كرن، هه‌روه‌ها دێ ووسا ژی بدۆمه‌.

په‌یوه‌ندی و پشتگرییا وە خوەندەڤانێن هێژا، مه‌ پێتر دلدار دکە

لێ یێن کو ب قاسی پشتگرییا دارکا مازی دکن ب قاسی وان یێن دژمناهییا وێ دکن ژی هەبوون و هەنە، رووپەلێن مە یێن سۆرانی، عەرەبی و کورمانجی یێن ئارامی – لاتینی کو ب هەزاران شۆپینەرێن مە هەنە، گەلەک جاران ل سەر «گلییان – شکایتان» هاتن گرتن، مالپەرا مە هات هاككرن، دەرکەت هۆلێ کو ناڤەندێن ئێریشا ل سەر دارکا مازی ترکیە، ئیران و بروکسەلێ یە، ئێریشا ڤان هەرسێ ناڤەندان ل سەر دارکا مازی، ددە خویاکرن کو ئەو دەردۆرێن کو ژ بەر وەشانێن مە بێزار بوونە ڤێ دکن، لێ مە گاڤ شووندە نەئاڤێت، مە هەر جارێ ژ نووڤە دیسا دەست پێ کر، دارکا مازی، ژ بۆ کو د مەدیایا کوردی دە ببە خەتەک نوو گاڤێن پێشی ئاڤێتن، لێ ئەم دزانن کو رێیەکە دوور و درێژ ل پێشیا مەیە، ئەم ئامادەنە کو د ڤێ ریێ دە بمەشن.

ئەم کینە؟ ئەم دەستەک کوردێن دلدارن کو ژ ناڤ گەلێ کورد دەرکەتنە، ئەم کورد و کوردستانی نە، ئەم یەک ژ وە نە کو ژ بۆ پاراستنا خەتا نەتەوی و نرخێن کوردایەتیێ هەول ددن تشتەکی بکن، تەڤی گەف و زەختا كو ل سەر خەباتکارێن مە هەیی، لێ دیسا مە پاشڤە گاڤ نەئاڤێتن، ژ نها و پێڤه‌ ژی گاڤان شووندا نا ئاڤێژین.

دارکا مازی، ژی دێ د هەیاما نوو یا وەشانێ دە لێکۆلینێن بەرفرەهتر بکە، «خەتا کوردستانی و نەتەوی» یا کو دارکا مازی، هەول ددە تەمسیل بکە، خەتا مە هەموویانە.

دارکا مازی، د تەڤاهیا ژیانا وەشانگەرییا خوە دە ژ وە خوەندەڤانێن خوە پشتگرییا مه‌عنه‌وی وەرگرتیە، ئەم سپاسیا وە دۆست و خوەندەڤانێن خوە دکن کو ب باوەری و پشتگری مە دشۆپینن و ب گۆتار و رەخنەیێن خوە هاریکارێ مە دبن، دارکا مازی، ژ کۆمەکە خەباتکارێن دلسۆزێن خاک و نشتمان پێک تێ و بێ کو مەبەستەکی وان یێ ئابۆری هەبە، ئەم ل بەندا رەخنە، پشتگری، نەرین و پێشنیارێن وەنە ژ بۆ زێدەکرنا خوەندەڤانێن خوە و ناسکرنا بوویەر و راستییان.

ئەم هەموو خوەندەڤانێن خوه‌ ب رێزداری سلاڤ دکن

دەستەیا وەشانێ یا «دارکا مازی»

پوستێن ھەمان بەش