ئەندامێ رێڤەبەریا پەکەکێ موستەفا کاراسو تەڤلی بەرنامەیا تایبەتا تەلەڤیزیۆنا «مەدیا خەبەرێ» بوو. مەدیا خەبەر کانالەکا گرێدایێ پەکەکێ یە. سەرکانیا سسەختەکاریایە و نەیارتیا خەتا نەتەوی دکە و ڤێ یەکێ ڤە گرێدایی دژمناتیا پەدەکێ ئارمانجا وانا بنگەھینە.
کاراسو ئاخاڤتنێن گەلەک خەیالی د دەربارێ سەرۆکێ پەکەکێ عەڤدللا ئۆجالان دا دبێژە و ئاخاڤتنا وی ژ سەری ھەتا داوییێ پووچ و بەرەدایی بوو. وەک کورد دبێژن ئاخاڤتنا وی یا ب دەمژمێران کاکلا گۆزێ تەژی نەدکر. د راستیا خوە دا نە ئاخاڤتنێن کاراسو و نە ژی سەختەکاری و دەرەوێن کو مەدیا پەکەکێ دکە نە پیدڤی چ نرخاندنەکی یان ژی شرۆڤەیەکی نە. ژ بەر ڤالابوونا ناڤەرۆکا وان نە حەوجەیە. لێ مخابن گەلەک کەس ھەنە کو ژ ڤان دەرەوان باوەرن و خەتا خوەیا سیاسی یان ژی ھەلوەستێن خوە ل گۆرا دەرەو و سەختەکاریێن مەدیایا پەکەکێ کفش دکن. ژ بۆ ڤێ سەدەمێ تەنێ، جار جارێ پیدڤیاتیەک دەردکەڤە ھۆلێ کو دەرەوێن وان بێنە ئەشکەرە کرن.
کاراسو د دەستپێکا ئاخاڤتنا خوە دا تەنێ بەحسا ئۆجالان دکە و دبێژە: رێبەر ئاپۆ دبە کو ژ ئالیێ فیزیکی ڤە تەجریدکری بە، لێ بەلێ رێبەرەکی ووسایە کو چ جاری نکارە بێ تەجریدکرن. نەپێکانە کو ئەڤ رێبەرتی بێ تەجریدکرن، ژ خوە نکارن بکن. رێبەر ئاپۆ ب فکرێن خوە نە تەنێ باندۆر ل گەلێ کورد دکە، باندۆرێ ل گەلێن رۆژھلاتا ناڤین و تەڤاھیا جیھانێ دکە. راستیا رێبەرتی ژ خوە ئەڤە. راستیا رێبەرتی ب ئەساسی رێبەرەکی فکرییە. رێبەرتیەکە مەژییە. ئالیێ ھەری مەزنێ رێبەرتی ئەڤە.
ئەڤجا کەسێ پیچەکێ خوەدی ھشبە، گەلۆ چاوە باوەریێ ب ڤان گۆتنا دکە و چاوە دکارە بێ خاپاندن و بکەڤە کەمینا پەکەکێ یا ئایدۆلۆژک دا؟ گەلۆ ئەڤ تشتێن کو کاراسو دبێژە مرۆڤ دکارە ژ زارۆکەکی را ژی ببێژە؟
ژ ئالیەک دن کاراسو جاردن ل دژێ پەدەکێ دڤەرشە و ب دەروان پەدەکێ تاوانبار دکە. پەکەکە گەلەک ب زانابوون ژ بۆ گرێدانا خوە ل گەل داگیرکەرا ڤەشێرە، ئێریشی پەدەکێ دکە.
گوھ بدن کاراسو د دەربارێ پەدەکێ دا چ دبێژە:
کاراسو : “دەولەتا ترک بێگومان دژمنە، ئێریش دکە. ئەورۆپا ژی بەرژەوەندیێن خوە ھەنە، راستیان نابینە. لێ بەلێ یا ھەری گران و ب ئێش پەدەکەیە. ڤان ئێریشان دڤەشێرە. رێگریێ ل وان مرۆڤان دکەت کو دخوازن بچن وێ دەرێ. سووچێن ترکیایێ دڤەشێرە. ڤەشارتنا سووچێن ترکیەیێ ژ بۆی پەدەکێ مایە. ژ خوە دەولەتا ترک ئێریشی کی دەرێ بکە، پەدەکە ژی یەکسەر بەهانەیان ژ بۆ دەولەتا ترک چێدکە. دبێژە ‘ژ بۆ ڤی تشتی ئێریشی شەنگالێ دکە، ژ بۆ فلان تشتی ئێریشی رۆژئاڤا دکە’. گونەھێ ناخە ستوویێ ئێریشکار. شەرما ھەری مەزنا دیرۆکییە ژ بۆ پەدەکێ کو بکارئانینا گازێن ب ژەھر و چەکێن کیمیەوی دڤەشێرە.”
باوەر بکن کاراسو ب خوە ژی باوەر ژ گۆتنێن خوە ناکت. ژ بەرکو ئەڤ ب سەرێ خوە نکارە چار گۆتنا بینە با ھەڤ. نڤیسەک دانایە بەر کاراسو و ئەو ژی دخوینە. لێ گەلەک گرینگە کو خەلکەک ڤێ راستیێ ببینە و ل گۆرا وێ ژی تەڤ بگەرە.
نھا یا ھەری تەعل ئەوە کو ھندەک ئالی و کەسێن “ب ناڤ سیاسی” ل دژێ پەدەکێ نە و ھەر گاڤا کو فرسەندێ ببینن پەدەکێ رەخنە دکن. ئەڤ سەختەکاریێن پەکەکێ ژ بۆی وان دبە وەک سەدەمەکی و پالا خوە ددن ڤان دەرەوان و دژمناتیا پەدەکێ دکن. لێ ئەو د بنگەھێ خوە دا دژمناتیا دەولەتبوونا کوردان دکن.
بێ گومان ھەرکەس ، ھەر ئالیەک دکارە پەدەکێ رەخنە بکە و کێماسیێن وان بێژن. کەسەک یان ژی ئالیەک کو نەیێ رەخنەکرن تونەیە. لێ رەخنەکرن و تاوانبارکرن دو تشتێن جودانە. پەکەکە ب ھەموو ئاوایی پشتا خوە ددە داگیرکەران و رێ ل دەولەتبوونا کوردا دگرە و ب ڤێ مەبەستێ ژی دژاتیا پەدەکێ و بارزانیان دکە.
پەکەکە بەر ب داویەکی ڤە دچە، دخوازە سەدەمەکی ژ بۆ تێکچوونا خوە ببینە و ئەڤ ژی پەدەکەیە.
پەکەکە ب ھەموو ئاوایی ھەول ددە کو ھەموو شکەستن و بنکەتنێن خوە د بن ڤی شەرێ راگھاندنێ دا ڤەشێرە.
رۆژەڤاکورد
