ل رۆژئاڤا پشتی ناڤێ کوردستانێ زمانێ کوردی ژی ھات راکرن

ل رۆژئاڤا پشتی ناڤێ کوردستانێ زمانێ کوردی ژی ھات راکرن

ل رۆژئاڤا کوردستانێ کۆنفەرانسا گازییا ھات چێکرن، لێ گەلەک بالکێش بوو کو ئەڤ کۆنفەرانسە بەس ب زمانێ عەرەبی چێبوو، زمانێ کوردی ل کۆنفەرانسێ نەھاتە بکارئانین.

بریندارێن شەرێ رۆژئاڤا کوردستانێ بەرێ ژ بۆی خوە فەدەراسیۆنەک ئاڤا کربوون، ڤێ فەدەراسیۆنێ دوھ کۆنگرەیا خوە یا دویەمین چێکر، ناڤێ کۆنگرە وسا ھاتبوو نیڤیساندین “کۆنگەریا فەدەراسیۆنا گازیانا باکور و رۆژھلاتێ سووریێ” فەداراسیۆنا گازییان چ ناڤێن کوردی ژ بۆی ڤێ کۆنگەریا خوە ب کار نەئانین.

ھەمان دەمێ دیمەنێن ڤی کۆنگرەیێ بەلاڤ بوون کو تێدا تەنێ زمانێ عەرەبی ھاتییە ب کارئانین.

ل کۆنگرەی نێزیکی 300 کەسان تەڤلی بوون و دو رۆژان بەردەوام بوو، ئەڤ کۆنگرە ل سەر ئاخا کوردستانا رۆژئاڤا چێبوویە و ھەمان دەمێ کەسێن کو تەڤلی بوونە ژی 90% زێدەتر کوردن.

ھەمان دەمێ ل رۆژئاڤا نە تەنێ کوردێن رۆژئاڤا تەڤلی شەر بوون، دەھان گەنجێن باکور و رۆژھلات ژی تەڤلی بوون، ئەڤ گەنج ژ بۆی ئازادییا کوردستانێ چووبوون، لێبەلێ نها ئەم لێ دمەیزێنن کو رۆژئاڤا ئالا کوردستانێ تێدا نەمایە، ناڤێ وێ نە رۆژئاڤا کوردیستانێ یە، سازی و دەزگەھێن وێ ناڤێ باکورێ سورییێ ب کار تینن، نها زمانێ کوردی ژی ئێدی نایێ ب کار ئانین.

ما گەڵۆ ئەڤ گەنجێن کوردان وێ دەمێ ژ بۆی چ ھاتن کوشتن و دەست و لنگێن خوە دان.

ئەڤ رەوشا رۆژئاڤا بریارەکا ب سەرێخوە نینە، ئەو بریار و رامانا پەکەکێ ڤە گرێدایی یە، پەکەکە ھەر کو دچە ناسنامەیا کوردی و سەمبۆلێن کوردی ل پەرچەیێن کوردستانێ لاواز دکە.

پوستێن ھەمان بەش