وەزارەتا به‌رگریێ یا ترکیێ راگهاند، د ئێریشا په‌كه‌كێ دە لەشکەره‌كی وان ی ل هەرێما ئۆپەراسیۆنا پەنجە-کلید کو ناڤچەیێن زاپ-ئاڤاشین ل خوە دگرە، هاتیە کوشتن.
ل گۆر داخویانیا وەزارەتا به‌رگریێ یا ترکیێ، ئیرۆ ل هەرێما ئۆپەراسیۆنا پەنجە-کلیدێ د ناڤ ئاخا هەرێما کوردستانێ دە، په‌كه‌كێ ئێریشی لەشکەرێن وی وەلاتی کریە و د ئەنجامێ دە لەشکەرەک هاتیە کوشتن.
ناڤێ لەشکەری کو هاتیە کوشتن، سینان ئیناک هاتیە راگاهاندن و پلەیا وی چاویشێ پسپۆر بوویە.
ل گۆر مەدیایا ترکیێ، ئەو لەشکەر خەلکێ ناڤچەیا دووزچی یا پارێزگەها ئۆسمانیێ بوویە.
ل ئالیەکی دن، وەزارەتا به‌رگریێ یا ترکیێ سبەها ئیرۆ د داخویانیەکه دن دە راگهاند، کو ل هەمان هەرێما ئۆپەراسیۆنا پەنجە-کلید 2 گه‌ریلایێن په‌كه‌كێ هاتنه ئارمانج گرتن.
