ھێزێن چەکدار یێن ئیرانێ ل ناڤچەیێن سینۆری تەقە ل 2 شڤانێن کورد کر و دەما شڤان درەڤیان ژ چیا کەتن و جانێ خوە ژ دەست دان.
ل گۆری زانیاریان، پاسەوانێن ئیرانێ ل دەڤەرا راپەرین ل زۆزانێن گۆر تیسۆی یێن ل سەر سینۆرێ ئیران و کوردستانێ تەقە ل ھەر دو شڤانێن کورد کریە و دەما وان خواستیە برەڤن و خوە رزگار بکن، ژ چیا کەتن و جانێ خوە ژ دەست دان.
ئەو ھەر دو شڤان سەرباز و کامران برایم برا نە و خەلکێ گوندێ بێپالان یێ ل ناڤچەیا سەنگەسەرن.
قایمەقامێ قەزایا سەنگەسەر نەھرۆ عەبدوللا راگھاند، ئەو شڤان دەما ژ گولەبارانا پاسدارێن ئیرانێ درەڤیان، ژ چیا کەتن و جانێ خوە ژ دەست دان.
نەھرۆ عەبدوللا دیار کر ژی، خەلکێ ھەرێمێ و خزمێن وان ھەر دو شڤانان ژ بۆ ئانینا تەرمێن وان، چوونە سەر سینۆر.
