ھەڤپەیمانیا ناڤدەولەتی یا ل دژی داعشێ رادگھینە، ئەو دێ لگەل ھێزێن سووریەیا دەمۆکراتیک (ھەسەدێ) بمینن، ژ بۆ ژناڤبرنا داعشێ.
ھێزێن ھەڤپەیمانیا ناڤدەولەتی دوھی لگەل ھێزێن سووریەیا دەمۆکراتیک (ھەسەدێ) گەرەکا ھەڤبەش ل گوندێن رۆژھلاتێ باژارێ قامشلۆ پێک ئانی.
ھێزێن ھەڤپەیمانیا ناڤدەولەتی گەرەکا لەشکەری یا ئاسایی کو ژ 5 تانکێن برادلەی، دو فرۆکەیان و ئۆتۆمبیلەکا لەشکەری یا “ھەسەدێ” پێک دھات، ژ بنکەیا رمێلانێ دەست پێ کربوو و ل گوندێن ھەرێمێ گەریان و پشترە ڤەگەریان رمێلانێ.
د ڤێ دەربارێ دە، ھەڤپەیمانیا ناڤدەولەتی یا ل دژی داعشێ د تویتەکێ دا راگھاند، گەرێن ھەڤبەش یێن د ناڤبەرا وان و ھەسەدێ دا بەلگەیەکە پابەندبوونا وێ ب پەیداکرنا ئارامیێ ل باکورێ رۆژھلاتێ سووریێ و رووبرووبوونا داعشێ ل ھەرێمێ نیشان ددە.
دەستنیشان کر ژی، ئەو دێ ژ بۆ ژناڤبرنا داعشێ و بھێزکرنا ئارامیا ھەرێمێ، لگەل ھەسەدێ وەک ھەڤکار بمینن.
پشتی ئێریشێن ترکیێ یێن ل سەر رۆژئاڤایێ کوردستانێ و ھەرێمێن د بن کۆنترۆلا ھەسەدێ دا، ھەسەدێ ئۆپەراسیۆنێن خوە یێن لگەل ھەڤپەیمانیا ناڤدەولەتی راوەستاند، لێ ژ 12ێ ڤێ مەھێ ڤە دیسا دەست ب گەرێن ھەڤبەش کرن.
