سەرۆککۆمارێ ترکیێ رەجەب تەییب ئەردۆگان راگھاند: “ھوون گرینگیا ھلبژارتنێن 2023یێ کو ژ بەر شەرت و مەرجێن دەمسالێ دبە کو ئەم دەما وێ پیچەکا دن پێشڤە ڤەکشینن، باشتر دزانن.”
سەرۆککۆمارێ ترکیێ و سەرۆکێ گشتی یێ پارتیا داد و گەشەپێدانێ (ئاک پارتی) رەجەب تەییب ئەردۆگان د جڤینا بەرفرەھکری یا سەرۆکێن باژاران یا پارتیا خوە دا ئاخڤی.
ئەردۆگان د ئاخافتنا خوە دا دیار کر: “ھوون گرینگیا ھلبژارتنێن 2023یێ کو ژ بەر شەرت و مەرجێن دەمسالێ دبە کو ئەم دەما وێ پێشڤە ڤەکشینن، باشتر دزانن.”
سەرۆککۆمارێ ترکیێ ل سەر مژارا ئاساییکرنا پێوەندیێن لگەل سووریێ راگھاند: “ڤێ سبێ ئەز لگەل برێز پوتن ئاخڤیم. مە وەک ترکیا، رووسیا و سووریا، دەست ب پێڤاژۆیەکێ کر. پشترا ئەم دێ وەزیرێن خوەیێن دەرڤە بینن با ھەڤ. دووڤرا ژی ل گۆر گەشەدانان، ئەم دێ د ئاستا سەرۆکان دا بێنە جەم ھەڤ. دەردێ مە پێکانینا ھێسانیێ و سەرخستنا ئاشتیێ یە. ئەز دێ لگەل زەلەنسکی ھەڤدیتنێ بکم، ئەم دێ ل سەر پێوەندیێن رووسیا-ئوکراینایێ ئاخڤن.”
