پەکەکە ل ئەورۆپایێ کۆمیتەیەکە تایبەت ب دژاتیکرنا هەرێما کوردستانێ ئاڤا دکە

پەکەکە ژ بۆی دژاتیکرنا ستاتویا هەرێما کوردستانێ و تونەکرنا وێ خوە ژ ت تشتەکی ب دوور ناگرە، ئەو هەر تشتی دکە، هەر تشتی دبێژە، ب تەنێ ژ بۆی کو هەرێما کوردستانا فەدەرال ل بەر چاڤێ گەل و جیهانێ رەش بکە، هەری داوی ژی ل ئەورۆپایێ کۆمیتەیەکە تایبەت ب پارڤەکرنا پرۆپاگاندایێن دەروە، دەزەنفەرماسیۆن و دژایەتیکرنا حکوومەتا هەرێما کوردستانێ پیک ئانیە.

ل گۆر ئاگاهیێن تایبەت یێن پێگەها «دارکا مازی» کو ژ یەک ژ ئەندامێن ڤێ کۆمیتەیێ ب دەست خستنە، پەکەکێ ژ بۆی دژاتیکرن و روورەشکرنا حکوومەتا هەرێما کوردستانێ کۆمیتەیەکە مەدیایی ب پێشەنگیا «ساریا سۆلبۆز پەری» ل ئەورۆپایێ پێکانیە، کارێ کۆمیتەیێ ئەڤە کو ئاگاهیێن نەراست و دەرەوان وەکە ئاگاهیێن پشتراستکری ل دژی هەرێما کوردستانی چێبکن و پشترە ژی وەکە پرتووک پارڤە بکن.

چاڤکانیێ پێگەها «دارکا مازی» ئەشکەرە کر، د ڤێ دەربارێ دە هەیا نها ڤێ “کۆمیتەیا دەرەوان” 3 پرتووک ژ بۆی چاپکرنێ ئامادەکرنە کو یەک ژ وان ب ناڤێ «زیندانا هۆڤیتیا پەدەکێ ئاکرێ» پارڤە کریە.

چاڤکانیێ «دارکا مازی» هەر وها ناڤێن ئەندامێن ڤێ کۆمیتەیا پەکەکێ ژی ئەشکەرە کرن کو ب ڤی ئاوانە:

سارا سۆلبۆز پەری/ سەرپەرشتا کۆمیتەیێ، دۆغان سەرحەد، عزەت دورا، سەفقان دەرسیم، رووبار تەیی و مەلیسا.