ئەندامێ دامەزرینەر و ئەندامێ کۆنسەیا رێڤەبەر یا كه‌جه‌كێ مسته‌فا قاراسوو ب تەلەڤیزیۆنا په‌كه‌كێ یا ئەورۆپایێ مەدیا هابەر رە هەڤپەیڤینەک کر، د هەڤپەیڤینێ دە ل سەر پێوه‌ندیێن سووریە و تركیێ، داخویانیێن سەلاحه‌ددین دەمیرتاش و هنه‌ك مژارێن دن، نرخاندن هاتن کرن.
قاراسوو د ئاخافتنا خوە دە گەلەک جاران د گۆت: «مە داخوازا خوە یا خورتکرنا رژێمێ ژ رژێما سووریێ رە راگهاند». هەروه‌ها د چاپەمەنیێ دە جهـ گرت کو قاراسوو ل زڤستانا بۆری ژ بەر پرسگرێکێن تەندروستیێ ل تەهرانێ بوو، ب بالافرێ چووبوو شامێ و ب رژێما سووریێ رە هەڤدیتن پێک ئانیبوو.
په‌كه‌كە ناخوازە سووریە پارچە ببە
مسته‌فا قاراسوو د ئاخافتنا خوە دە گۆت: «هێزا کو سووریێ ل سەر لنگان دهێله په‌كه‌كەیە»، قاراسوو ب بالداری گۆتنێن خوە هلبژارتن و ل شوونا ببێژە مە و هێزا رۆژئاڤا وی پەیڤا «کورد» تەرجیح کر، ژ بەر کو گۆتنێن وی یێن د ڤی واری دە د مەدیایێ دە نه‌رازیبوونێن کوردان دەرخستبوون هۆلێ، قاراسوو ب توندی گۆت: «چ فکرا مە یا پارچەکرنا سووریێ نینە» و وه‌ها بەردەوام کر: «فکرێن کوردان یێن پارچەکرنا سووریێ نینن، رووسیا ب ڤێ به‌هانه‌یێ هەڤکاریا خوە یا ب دەولەتا ترک رە نکاره ڤەشێرە، ئەڤ په‌یوه‌ندیه دهێته واته‌یا كو وێ ل گه‌ل دەولەتا ترک په‌یوه‌یندییه‌كا قرکرنێ پەژراندییە، ئارمانجا دەولەتا ترک قرکرنە، دڤێ ئەم ژ رووسیا بپرسین، هوون پشتگریێ ددن قرکرنا دەولەتا ترک؟ ما هوونێ هەڤکاریێ بکن؟ کوردێن ل سووریێ نە ل گه‌ل پارچه‌بوونێ نه، بەرۆڤاژی ڤێ یەکێ، ئەگەر رژێما سووریێ نها ل سەر لنگان مابە، یا کو وێ زندی دهێلە ئەمن، ژ رووسیایێ چ پشتگری نەهات، بەلێ، رووسیایێ هاریکارییا سووریێ کر، لێ گەر رۆژئاڤا شۆرەش نه‌بایه، داعش تێک نه‌چووبا، چەتە سه‌ركه‌تبان، ئیرۆ سووریە نەدبوو، هێزێن شۆرەشگەرێن کو نها ل سەر رۆژئاڤا، باکور و رۆژهلاتێ سووریێ سەروەرن، داعش تێکبر و رژێما سووریێ ژی ل سەر لنگان ما. ئه‌سه‌د ب تنێ نەکاری ل بەر خوە بدە، رووسیا نەکاری ڤێ یەکێ بدۆمینە، نە ژی ئیرانێ، چەتەیان دکاری بوون پرانیا سووریێ بگرن».
قاراسوو: مە ل حەلەبێ شەر کر
قاراسوو د ئاخافتنا خوە دە دیار کر کو هێزا کو رێ ل بەر هلوەشینا باژارێ حەلەبێ گرتی، ئەو بوون.
«حەلەب نەکەت، چما نەکەت؟ ل حەلەبێ یێن شەر کری شەرڤانێن مە بوون. رژێم ژی ڤێ یەکێ دزانە. گەر کوردان ل دژی چەتەیان شەر نەکربا دا چ چێبیت؟ د ڤی واری دە یا کو شەرێ ناڤخوەیی دەرخستی و سووریە ئەوقاسی وێران کری و پشتگری دا چەتەیان، ترکیە بوو، نها دێ سووریە و ترکیێ رێككه‌ڤن، گەلۆ دێ د ئه‌نیا دژه-کورد دە سووریە هەڤپار بە؟ چما تركیێ ب ملیۆنان سووری کشاندن وەلاتێ خوە، چما ئەڤ یەک کر؟ ژ بۆ چەتەیان کامپ ئاڤاکرن، ئەو پەروەردە کرن و ل هەمبەر رژێمێ دان شەرکرن، ترکیێ ژ بەر سەدەمێن ئینسانی ئەڤ یەک نەکر، یانی سووریە ڤێ نزانە؟ ترکیە ژ بۆ هلوەشاندنا رژێمێ ئەڤ یەک کر، لێ کوردان چ کر؟ ژ بۆ کو رژێما سووریێ نەهلوەشە گەلەک شەر کر، ئەو نکارن بێژن کورد سووریێ پارچە دکن، مە ل سەر خەتا رێبەرێ خوە شۆرەشەک کر، ئەم نێزیکاتیا وان دزانن، ل چارەسەریا سووریێ دگەرن و تشتەکی دن دەست وان دە تونە.
د ڤێ دەمێ دە ژی یێن کو رێ ل بەر پۆلیتیکایێن قرکرنێ یا دەولەتا ترک دگرە، کوردن، هەکە ته‌كۆشینا کوردان یا ژ بۆ دەمۆکراسی و ئازادیێ نه‌بایه، دا ترکیە نە تەنێ ل سووریێ، هەتا ئێرشی ئیرانێ ژی كه‌ت، نها ئاستەنگا ل پێشیا ئێرشکارییا ترک کوردن، د ڤی واری دە نێزیکاتیا مە ئەوە کو رووسیا و رژێم نەبن شریکێن ڤێ سیاسەتا ترکیێ».
په‌كه‌كه، دەولەتا سووریێ به‌رانبه‌ری چ ڤە پاراست؟
مسته‌فا قاراسوو د ئاخافتنا خوە دە ئانی زمان کو ئەو ژ بۆ پاراستنا رژێما سووریێ شەر دکن، لێ نەگۆت به‌رانبه‌ری چ، بەریا نها رێڤەبەرێ په‌كه‌كێ و هه‌په‌گێ باهۆز ئەردال د بەرنامەیەکە تەلەڤیزیۆنێ دە گۆتبوو: «ئەگەر یه‌په‌گه نەبایه، دا رژێما سووریێ هلوه‌شیت».
رێڤەبەرێن په‌كه‌كێ هەر جار ب ئەشکەرەیی دبێژن ئەو هێزا کو رژێمێ ل سەر لنگان دهێلە ئەون، لێبەلێ ئەڤ یەک ژ بۆ چ ئانگۆ بەرانبەری چ هاتیە کرن نە دیارە.
په‌كه‌كە ل رۆژئاڤا رۆلا پاساوانی لیست؟
وەک تێ زانین پێڤاژۆیا کو په‌كه‌كه دبێژە شۆرەشا رۆژئاڤا، ب راستی ژی رژێمێ رۆژئاڤا رادەستی په‌كه‌كێ کر کو بپارێزە، رژێمێ ژ بۆ شەرێ ل دژی عەرەبێن سونی بێ پرسگرێک هێزێن خوە یێن لەشکەری ژ رۆژئاڤا ڤەکشاندن و گەلەک جهـ ژ رێخستا په‌كه‌كێ یا وێ دەمێ تەڤدەم و په‌یه‌دێ رە هشتن، رێڤەبریا سووریێ ل رۆژئاڤا ژ رێڤەبرنا بیرێن نەفتێ یا رمێلانێ و بالافرگەها قامشلۆ ڤەنەکشیا، هەروها رژێما ئەسەد مووچەیێن کارمەندان دابین دکر، ل گەل ڤێ مالزەمەیێن لۆژیستیک یێن ل جهێن کو ب وەساییتێن رژێم ڤەکشیانە تەسلیمی په‌یه‌دێ کر.
رۆژئاڤا د بن گارانتۆرییا ئیرانێ دە رادەستی په‌كه‌كێ هاتە کرن
قاراسوو ب شانازی ڤه دبێژە مە نەهشت دەولەتا سووریێ هلوەشە، یێن نەخوازن دەولەتێن کوردستان داگیرکری هلوەشن دێ چاوا بەحسا قەزیا کوردی بکن.
دهێتە زانین ل گۆری پەیمانا سووریە، ئیران و په‌كه‌كێ هەرێما رۆژئاڤا وەکە ئەمانەت رادەستی په‌كه‌كێ کرن، ل هەمبەر ڤێ یەکێ په‌كه‌كێ تەڤگەرا خوە یا گەلێری ل ئیرانێ راوەستاند و وەکە بەشەک ژ هێزێن حه‌شدا شەعبی یێن شیعه‌یێن ئیراقێ ژ نووڤە تەڤگەریا.
گەلەک رەوشەنبیرێن کورد د وێ باوەریێ دە بوون کو دەما په‌كه‌كە ڤان تشتان دکە، ل سەر ناڤێ کوردان و مافێن کوردان چ تشتەکی داخواز کری نینە تەنێ دخوازە رێڤەبەرێن وێ ب ئێمنی بژین، کار و بارێن بازرگامی د ناڤا ڤی کاری دە ژی مادێ هۆشبەر هەیە ل دەڤەرێ بکن، بکارئانینا رێیێن ئاسمانی، ل هەڤ کرنە. پرانییا رەوشەنبیرێن کورد ڤێ یەکێ دزانن. په‌كه‌كە ل رۆژئاڤا ژ بلی هنەک پێکهاتەیێن ب سەر په‌كه‌كێ ڤە هەیی ئێدی هەموو کوردێن هەرێمێ ژ سەر گوند و وارێن وان هاتن دەرسینۆر کرن، ل گۆری رێکەفتنا سووریە-ئیران و په‌كه‌كێ عەرەبێن هەرێمێ و هنەک شریکێن رژێمێ ل جهێ خوە مان.
گەلە کورد ئەڤ 40 سالن ژ تێکلی و هەڤدیتنێن ڤەشارتی یێن په‌كه‌كێ ل پشت دەریێن گرتی ب رێخستنێن وەکە ئیتلاعاتا ئیرانێ، موخابەراتا سووریێ و میتا تركیێ رە چ دەستکەفتی ب دەست نەخستنە. په‌كه‌كە د ناڤا ڤی تەڤنێ ئیستخباراتی دە تەڤدگەرە. قاراسوو ب شانازی ڤه دبێژە مە نەهشت دەولەتا سووریێ هلوەشە، یێن نەخوازن دەولەتێن کوردستان داگیرکری هلوەشن دێ چاوا بەحسا قەزیا کوردی بکن.
