سترانبێژەکی راپێ یێ ترک کو ئەو ب خوە دبێژە بەرێ نژادپەرەست بوویە، ژ نێرینێن خوە پۆشمان بوویە و دبێژە: ئەنقەرە پایتەختا کوردستانێ یە و دڤێ پرسا کورد بهێت چارەسەرکرن.
سترانبێژ سەرکان ئیپەکچیۆغلو کو ب ناسناڤێ “ئەزھەل” تێ ناسین، ل ئۆدەیەکا گۆتووبێژان یا تویتەرێ دیار کر: “ل گۆر من، ژخوە پایتەختا کوردستانێ ئەنقەرە و ستەنبۆلە. ئەز باوەر دکم کو ب ئاوایەکی ئەڤ پرس دێ چارەسەر ببە.”
ئەزھەل د ئۆدەیەکا گۆتووبێژان یا تویتەرێ دە بال کشاند سەر چارەسەرکرنا پرسا کورد و گۆت: “ئەز بەرەڤانیا کوردستان و گەلێ کورد دکم، لێ ل گۆر من ژخوە پایتەختا کوردستانێ ئەنقەرە و ستەنبۆلە. ئەز باوەر دکم کو ب ئاوایەکی ئەڤ پرس دێ چارەسەر ببە.”
سەرکان ئیپەکچیۆغلو دبێژە: “ژخوە رووم چوونە، ژخوە ئەرمەن چوونە. ئەگەر کورد ژی بچن ئێدی دلێ من ل بەر ڤێ یەکێ نکارە ل بەر خوە بدە. ئەز بەرەڤانیا کوردستان و گەلێ کورد دکم، لێ ل گۆر من ژخوە پایتەختا کوردستانێ ئەنقەرە و ستەنبۆلە. ئەز باوەر دکم کو ب ئاوایەکی ئەڤ پرس دێ چارەسەر ببە. ئەز ژی بەرێ نژادپەرەستەک بووم. دەما دو کەس د ئۆتۆبوسێ دە ب ھەڤ رە ب زمانێ کوردی دئاخڤین، ھێرس دبووم. لەورا ئەز وسا ھاتبووم ھینکرن. ئەز باوەرم کو ئەم دێ رۆژێن خوەش بینین.”
