مەدیا په‌كه‌كێ کو ئەو چەند رۆژ بوو سیاسەتا خوە یا رەشکرنا هەرێما کوردستانێ جەمداند بوو، دیسا ب دەرەوێن مەزن ددۆمینە. ئەڤ چەند رۆژن، نووچەیێن وەکە «دەرییێ سێمالکا ناهێلە ئالیکاری ژ بۆ مەخدوورێن ئەردهەژا رۆژئاڤا بچە» هەم ل مەدیا جڤاکی و هەم ژی ل سەر تی ڤی یێ تێن وەشاندن.
په‌كه‌كێ ل سلێمانیێ هنده‌ك کامپانیایێن خێرخوازی دابوونه دەستپێکرن. دووڤ رە هاتە ئیدیعاکرن کو ئەڤ ئالیکاری تەسلیمی هەیڤا سۆر هاتنە کرن ژ بۆ کو وان بشینە رۆژئاڤا.
ما د بارهه‌لگرێن په‌كه‌كێ دە تشتەک نەپەنی هەیە؟
دارکا مازی راستیا ڤێ ئیدیعایێ لێکۆلین کر. ل گۆری ڤێ یەکێ، بارهه‌لگرێن کو دەرباسبوون لێ هاتیه ئاستەنگکرن نینه. په‌كه‌كە دخوازە کو بارهه‌لگران بێیی تەفتێش و بێ رێدانا فەرمی دەرباس بکە. رایەدارێن دەرگەهی ژی راگهاندن کو پێویسته بارهه‌لگر ب لێگەرینا رووتینی یا جهازا XR دەرباس ببە.
په‌كه‌كە ژی ڤێ یەکێ قەبوول ناکە. ژ بەر ڤێ هەلوەستا په‌كه‌كێ ئەڤ پرس تێ بیرا مرۆڤ “گەلۆ په‌كه‌كە د بارهه‌لگرێ دە تشتەکی دن دەرباس دکە؟” د دەرگەهی دە تەنێ ب جهازا XR کۆنترۆل تێ چێکرن. رەغمێ ڤێ یەکێ ئەڤ هەلوەستا نەجیهـ یا په‌كه‌كێ گومانان د ئافرینە.
وەکی دن، بارهه‌لگرێن کو هەتا نها لێگەرین بۆ هاتنه کرن هەموو ژی ل دەری دەرباس بوونە.
گەلۆ ئەو ئالیکاری دچن عەفرینێ؟
وەکی دن، ئەو ئالیکاریا په‌كه‌كێ ناگەهن زرارپێکەتییان مانە جهێ گومانێ یە کو دەرباسی کیڤە دبن؟ ئەو دەڤەرێن زراردیتی د بن سەروەرییا رەژیمێ و یا پێکهاتەیێن سەر ب ترکیەیێ ڤەنە. ل سەر رۆژئاڤا چ ئالیکاری نەگشتنە عەفرینێ و دەڤەرێن زرارمەند. ژ بەر ڤێ یەکێ جهێ پرسێ یە گەلۆ هەکە ئەڤ ئالیکاری نەچن عەفرینێ پا کیڤە دچن؟
ئەو چاڤکانیێن د ناڤا په‌كه‌كێ دە کو ئەم گهیشتنێ دبێژن ئەڤ ئالیکاری دێ رادەستی تەڤ-دەم و په‌یه‌دێ وەرن کرن. ل گۆری چاڤکانیێن مە، په‌كه‌كێ بەرێ ژ بۆ گەلێ رۆژئاڤا ل باشوورێ کوردستانێ گەلەک ئالیکاری کۆمکربوون، لێ ژ ڤان ئالیکاریان هەژمارەکە پر کێم گه‌هشتبوو زرارپێکەتییان.
تەڤ-دەم و په‌یه‌ده، کو پێکهاتەیێن په‌كه‌كێنە، ئەڤ ئالیکاری ل سەر هێزێن خوە یێن لەشکەری، ئەولەهیێ و سازییان بەلاڤکر بوون. به‌شه‌ك ژی دابوون لایه‌نگرێن خوە. ب راستی په‌كه‌كە ژی مینا ئافاد (سازییا ئالیکاریئا ترکیێ) یه، ئالیکارییان ژ کەسێن زرارمەند رە وەکهەڤ و ب دادپەروەری به‌لاڤ ناكه.
ئەو ئالیکاری دێ گه‌هن جهێ پێدڤی؟
گەر ئەو ب راستی بخوازن ئالیكاری بگه‌هن گەلێ عەفرینێ یێ کو زرارا هەری مەزن ژ ئەردهەژێ دیتیە، ئەو دێ ئالیکارییێن خوە ب رێکا دەزگەهێن هەرێما کوردستانێ بشینن. ژ بەر کو دەزگەهێ خێرخوازیێ بارزانی دەرازینکەک ژ بۆ گەهاندنا ئالیکارییان بۆعەفرینێ ڤەکرییە. یێ بخوازە ئالیکارییێن وان بنەجهـ ببن دێ سەردانا وەقفا بارزانی بکە. لێ تشتا تێ فەهمکرن ئەوە کو په‌كه‌كە ل شوونا کو ئالیکارییان بدە گەلێ زرارمەند ئەو تەنێ خوە ب پرۆپاگاندە و شۆیان ڤە مژوول دكه.
