په‌كه‌كه ل چ دەرێ ل دژی ئارتێشا ترک چالاکییان ناکە
هەر وها مشارەک دن ژی ئەوە کو ئارتێشا ترک نەتەنێ د گرێ هەککاری دە هەیە. تەڤاهیا خەتا سینۆر یا ژ حه‌فته‌نین هەتا هەرێما برادۆستێ ب درێژاهیا 200 کم د دەستێ ئارتێشا ترک دە یە. ژ ئالیێ کووراهی و ئەردنیگاری ڤە ژی 45 کم د ناڤ باشوورێ کوردستانێ دە هاتییە. واته گۆتنا په‌كه‌كێ کو دبێژە «ژ بۆ پاراستنا کوردستانێ ئەم دخوازین ئێرشی ڤی گری بکن، لێ پێشمەرگە رێ نادە»، گۆتنەک مەزنا هەیە دبێژه: «کەسێ دەستێ خوەشمێران نەگرتییە» گەر په‌كه‌كە دخوازە ل دژی ئارتێشا ترک شەر بکە ها بۆتە ناڤونیشانان؛ هەموو باکورێ کوردستانێ، چەلێ، قلابان، شەمزینان، ئەلکی، شرنەخ و … هتد.
هەروه‌ها ل باشوورێ کوردستانێ گرێن کو وە رادەستی ئارتێشا ترک کری وەکە «خامتوور، شەشدارا، زنارێ کێستە، سەرێ سینیا (شکەفتا بریندارا)، وەرەخەل، سەرێ دارێ، مامرەشۆ، گۆڤەندێ، بۆتیا (تەپێ خوەدێ)، ئەڤدال کۆڤی، شەکیف، لێلکان» و ب دەهان گرێن دن دێ فەرمۆ.
ما راستە کو پێشمەرگە رێ بۆ ترکان چێکرییە؟
د ڤیدیۆیا کو ژ ئالیێ په‌كه‌كێ ڤە هاتییە بەلاڤکرن هات ئیدیعاکرن کو «پێشمەرگە ژ مەها تەباخێ ڤە رێ ژ بۆ لەشکەرێ ترک چێدکە»، په‌كه‌كێ ل هاڤینا بووری ئەڤ ئیدیعا دوبارە دکر و ژ بۆ خوە وەکە مژارەکە پرۆپاگاندایێ ب کار ئانی. لێ ئەڤ ئیدیعایا په‌كه‌كێ ب تەڤاهی دەرەوە. ژ ئالیێ ئامێدیێ ڤە چ رێ سەرناکەڤن گرێ هەککاری. چ رێکێن بۆ ئارتێشا ترک دچن د بن کۆنترۆلا پێشمەرگە دە نینن. دەولەتا ترک ژ بۆ گرێ هەککاری رێ ژ گوندێ دەشتانێ (ئووزووملوو) ئانی یە. د نزارێ مەتینی را کو ئەو دەڤەر ئه‌ڤه 35 ساله د بن کۆنترۆلا په‌كه‌كێ دا یە. ئەم ژی، ژ په‌كه‌كێ پرس دکین چاوا چێدبە کو ترک ل دەڤەرێن د بن کۆنترۆلا تە دا رێکێ هەتا گرێ هەککاری بینه؟ ئەم دزانین ب رێدانا وە ئەڤ رێ تێنە چێکرن و هوون باجێ ژ وان مقاولێن رێکێ چێدکن دستینن. ئەمێ بۆ ڤێ مژارێ ژی ل دەما پێش مە دێ ناڤ ب ناڤ ئەشکەرە بکین.
تشتا بالکێش ژی ئەوە کو ئەو رێکا په‌كه‌كە قالا وێ دکە ئەوە یا کو په‌كه‌كێ ب خوە چێکری. په‌كه‌كێ ئەو رێکا بەرێ ژ ئامێدیێ دچوو دەڤەرا نهێلییان بۆ گوندێ «کورکوبناڤی» سالا 2011 و 2012 سەرەراستکر کو ب ئۆتۆمۆبیلان دەرباسی گەلیێ زاپێ ببن. په‌كه‌كێ ل سالێن 2009 هەیا 2017 بۆ هەموو نۆقتەیێن خوە جاددە چێکر بوون کو ئۆتۆمۆبیلا هاتنوچوونێ لێ بکن. د وان سالان دە په‌كه‌كە ببۆ مۆبیل، کەس ب پێیان هاتنووچوون نەدکر.
وەکە ئەنجام
په‌كه‌كە د سالا 2020ێ دە ژ بەر نەرازیبوونا خه‌لكی نەچار ما ئێریشێن خوە یێن ل دژی پێشمەرگە راوەستینە. بێ گومان سەدەمێن ڤێ یێن سیاسی ژی هەبوون. ستراتەژیا په‌كه‌كێ یا سەرەکە دژمناتیا هەرێما کوردستانێ یە، ئەڤ پەیرەو کو نایێ گوهەرتن. ژ بۆ بەرناما لەشکەری یا سالا 2023ێ بەحسا ئێریشا چەکداری ل سەر پێشمەرگە تێ کرن. په‌كه‌كە و ئاکه‌پە دانوستاندنێن نەپەنی دکن، ئەگەر ئاکه‌پە ئێریشێن خوە یێن ئاسمانی راوەستینە دێ په‌كه‌كە ڤێ هەیامێ ئارمانج بکە کو ئێرشی هێزێن پێشمەرگە بکە. مژارەکە دن ژی تێکبرنا پێڤاژۆیێن چارەسەریێ یە کو د ناڤبەرا هەولێر، بەغدا و سەرۆکێن رۆحانی یێن ئێزدییان دە ژ بۆ چارەسەرییا ده‌ڤه‌را شەنگالێ.
گەر ئەم ل ئارگومانێن کو په‌كه‌كە د پرۆپاگاندایێ دە ب کار تینە بنێرن، دیار دبە کو سالا 2023 دە په‌كه‌كە دێ هەم وارێ لەشکەری و هەم ژی یێ سیاسی دە فیتنە و فەسادییان ل دژی هەرێما کوردستانێ تەڤگەر بکە.
