ل گۆر ناڤەرۆکا بریارا دادگەها ئۆدەیا بازرگانی یا ناڤنەتەوەیی یا پاریسێ، مافێ کوردستانێ یێ ئۆمباركرنێ و بکارئانینا بۆریا پەترۆلێ بۆ بەندەرا جەیهانێ هەیە و تەنێ د بارکرنا پەترۆلێ بۆ گەمییان دە ل جەیهانێ بنپێکاری کریە.
مالپەرا Middle East Eye ژ زارێ چاڤکانیەکێ ڤە دەربارێ بریارا دادگەها تەحکیما پاریسێ دە راگهاندیە، حکوومەتا هەرێما کوردستانێ بەشەکە ژ حکوومەتا ئیراقێ، لەورا ترکیە شاش نەبوویە کو ل گۆر ته‌علیماتێن حکوومەتا هەرێما کوردستانێ پەترۆل ئۆمبار كریه و ڤەگوهاستی یە.
23 ئادارا 2023، دادگەها ئۆدەیا بازرگانی یا ناڤنەتەوەیی یا پاریسێ ل سەر سكالایا ئیراقێ و پشتی چەند سالان بریارا خوە یا دەربارێ هنارتنا پەترۆلا هەرێما کوردستانێ ب رێیا ترکیێ ئاشکەرە کر.
دادگەهێ ترکیە و ئیراق ژ بریارا خوە ئاگاهدار کرن و رۆژا ئینێ 24 ئادارا 2023 ترکیێ وەک جیبجیکرنا بریارا دادگەهێ، هنارتنا پەترۆلا هەرێما کوردستانێ راوەستاند.
پشتی بریارا دادگەها ئۆدەیا بازرگانی یا ناڤدەولەتی یا پاریسێ یا دەربارێ هنارتن و فرۆتنا پەترۆلا هەرێما کوردستانێ ب رێیا ترکیێ، ژ رۆژا ئینێ 24 ئادارا 2023 ڤە هنارتنا پەترۆلا هەرێما کوردستانێ ب رێیا بەندەرا جەیهان یا ترکیێ ڤە هاتیە راوەستاندن.
