ل پارێزگەها دیلۆکێ یا باکورێ کوردستانێ، ل دژی بازرگانێن مادەیێن هشبەر ئۆپەراسیۆنەک ب بەشداریا هەزار و 539 پۆلیسان هات کرن و تێدا 149 کەس هاتن دەستەسەر کرن.
وەزیرێ ناڤخوەیێ ترکیێ سولەیمان سۆیلو ئیرۆ 13ێ نیسانێ ل دیلۆکێ راگهاند، ئۆپەراسیۆنەکا بەرفرەهـ ب ناڤێ «ئۆپەراسیۆنا هشککرنا کۆکێ» ل دژی بازرگانێن مادەیێن هشبەر هاتیە دەستپێ کرن.
سولەیمان سۆیلو گۆت: «د 49 مین ئۆپەراسیۆنا دژی مادەیێن هشبەر دا 179 ئارمانج هاتبوون دیارکرن. دەمژمێر 04:45 ب بەشداریا 1529 پۆلیس و جەندرمەیان ئۆپەراسیۆن هات دەستپێ کرن، ئۆپەراسیۆن ب سەرکەفتی بەردەوام دکە و هەتا نها 149 کەس هاتن دەستەسەرکرن».
سۆیلو دبێژە ل ترکیێ 126 هەزار کەسێن کو بەرهەمئانین و بازرگانیا مادەیێن هشبەر دکن د گرتیگەهان دا نە.
سۆیلو هەروها گۆت: «د ئەنجاما تەکۆشینێ دا مرنێن ژ بەر مادەیێن هشبەر د 6 سالێن داوی دا ژ 941 کەسان بۆ 270 کەسان داکەتیە. تەکۆشینا مە دێ ل دژی مادەیێن هشبەر بەردەوام بە».
