پارتیا دەمۆکراتا کوردستان – سووریا راپۆرتا خوەیا سیاسی یا مەھا ئادارێ بەلاڤ کر تێ دە ل سەر ھەژمارەک مژاران ل سەر ئاستا کوردستان و سووریێ ھەروەھا داوین پێشھاتەیێن دەڤەرێ راوەستیا.
پارتی د راپۆرتا خوە دە ل سەر کریزا سووریێ و پێشھاتەیێن پشتی روودانا ئەردھەژێ ل دەڤەرێ روودایی، ھەولێن ھەژمارەک وەلاتان ژ بۆ خوەشکرن و ئاساییکرنا پەیوەندییان ب رێژیما سووریێ رە و تەکەزیا نەتەوەیێن یەکبوویی، ئەمەریکا و ئەورۆپا ژ چارەسەریا سیاسی ژ کریزا سووریێ رە ل گۆری بریارا ناڤدەولەتی 2254 و لێڤەگەرا جنێف 1 راوەستیا.
راپۆرتا پارتی بەحسا رەوشا رۆژئاڤایێ کوردستانێ کریە کو ژ بەر رەوشا ئابۆری، خزمەتگووزاری و مرۆڤی یا خەراب وەکە زێدەبوونا رێژەیا بێکاریێ، بلندبوونا نرخان و کریزا سووتەمەنیێ ھەروەھا کریزا ئەلکتریکێ و ئاڤێ رەوشا خەلکێ ھەر کو دچە زەحمەتتر کریە لەورا ئەم بیرا وێ یەکێ دکن کو هنەک ئالی ھەنە ب مەبەست ئێش و ئازارێن خەلکێ زێدە دکن.
ل سەر رەوشا عەفرین و جندرێسێ و زیانێن جانی و مادییێن مەزن پشتی روودانا ئەردھەژێ راوەستیا ھەوەھا بەحسا تاوانا کو گرووپا ب ناڤێ جەیش ئەلشەرقیە ل دژی وەلاتیێن کورد ل جندرێسێ ئەنجام دایی و چار کەس ژ مالباتا پێشمەرگە شەھید بوونە و شۆپاندنا مژارێ ژ بۆ سزاکرنا ئەنجامدەران و گرنیگیا بەرسڤدانێ ژ داخوازێن کەسووکارێن قوربانیان ژ بۆ ژیانەکە ئارام بێ بنپێکرن ل دژی ڤیانا خەلکێ ل وان دەڤەران دکە.
د داویا راپۆرتا خوەیا سیاسی دە پارتیا دەمۆکراتا کوردستان – سووریا دبێژە ئامادەکاریێن پێویست ژ بۆ لدارخستنا کۆنگرا گشتییا پارتی د دەما خوە دا بەردەوامن.
