رێخستنا ئیستخباراتا میلی یا ترکیێ (میتێ) راگەھاند، ب ئۆپەراسیۆنەکی بەرپرسێ یەکینەیێن پاراستنا گەل (یەپەگێ)، کو باسکێ پەکەکێ یێ رۆژئاڤایێ کوردستانێ یە، ژ بەرپرسێن رەقایێ “محەمەد سار” ب ئۆپەراسیۆنەکی ل قامشلۆیێ ھاتیە کوشتن.
ل گۆر نووچەیا ئاژانسا ئانادۆلو، کو ئاژانسا فەرمی یا دەولەتا ترکیێ یە و نووچە سپارتیە چاڤکانیێن ئەولەھیێ و رادگەھینە، “محەمەد سار” یێ کو ناڤ پەکەکێ دە وەک “باران کورتای” تێ ناسکرن، د سالا 2014ێ دە دەرباسی رۆژئاڤایێ کوردستانێ بوویە و ژ ئالیێ میتێ ڤە ھاتیە چاڤدێری کرن.
ل گۆر ھەمان چاڤکانیێ “محەمەد سارع” ژ بەرپرسێن پەکەکێ یێ رەقایێ بوویە و ژ ئالیێ سازیا ئیستخباراتا ترکیێ میتێ ڤە ب ئۆپەراسیۆنەکا تایبەتا ل قامشلۆیێ ڤە بوویە ئارمانجا ئێریشێ و ژیانا خوە ژ دەست دایە.
ھەرواھا ھات راگەھاندن ئەو ئۆپەراسیۆن رۆژا 14/4/2023یێ ژ ئالیێ تیمەکا تایبەتا میتێ ڤە ب ئاوایەکی ڤەشارتی پێکھاتیە. لێ د دەربارێ چاوانیا ئۆپەراسیۆنێ دە ت ئاگاھی نەھاتنە دایین.
