تەشکیلاتا ئیستخباراتا نەتەوەی یا ترکییێ میت ئەڤە ھەیامەکە کو ب ئێریشێن تایبەت کادر و بەرپرسێن پەکەکێ/کەجەکێ ژناڤ دبە.
بەری چەند رۆژان ھات راگھاندن کو میتێ ل باشوورێ کوردستانێ ل ھەرێما گارەیێ تەکین ئۆکان (دەنیز بەحری، کو بەرپرسێ ھێزا تایبەت یا تیما ھەواڤانییێ یە، ب ئێریشەکا تایبەت کوشتیە.
تێ گۆتن کو درۆنێن پەکەکێ ب دەستێ دەنیز بەحری دھاتن چێکرن و ئەو درۆن د ئێریشێن سەر لەشکرێن ترک دە دھاتن بکارئانین.
ژ ئالییێ دن، میتێ دیسا ب رێیا چاپەمەنییێ داخویاند کو وان ل گارەیێ بەرپرسێ پۆستە و گەهاندنێ یێ ھێزێن تایبەت یێ پەکەکێ موسلوم ئورپەر (سۆرۆ گۆیی) ب ئۆپەراسیۆنەکا تایبەت ئارمانج کریە و ئەو کوشتیە.
ھەروەھا ل رۆژئاڤایێ کوردستانێ ژی ب ئۆپەراسیۆنێن تایبەت کادر و بەرپرسێن پەکەکێ/کەجەکێ (یەپەگێ) ھاتنە و تێن بەرتەرەفکرن.
