رێخستنا په‌كه‌كێ 4 جوانێن دن یێن كوردان دانه كوشتن یێك ژێ ژ هه‌ولێرا پایته‌ختا هه‌رێما كوردستانێ یه.
هه‌په‌گێ باسكێ له‌شكه‌ری یێ په‌كه‌كێ رۆژا پێنجشه‌می و ئینی 25 و 26/5/2023 ناسنامه‌یا 4 چه‌كدارێن خوه ئاشكه‌ره كر كو ل 5 و 10ی ڤێ مه‌هێ ل چیایێ گاره و ده‌ڤه‌را ئاڤاشین كه‌تنه به‌ر ئێریشێن بالافرێن كه‌شفێ و ژیانا خوه ژ ده‌ست دا نه.
ناڤێن وان ووسایه:
عادل عه‌لی ژ حه‌سه‌كێ.
ئه‌حمه‌د ئیلهان ژ بدلیسێ.
باسل ئه‌حمه‌د ژ كۆبانیێ.
دیار خۆشناو ژ هه‌ولێرێ.
په‌كه‌كێ ئه‌ڤ 4 جوان ژی وه‌كه ب هه‌زاران رێهه‌ڤالێن وان هێژان د ته‌مه‌نا زارۆكتیێ ده ره‌ڤاندنه و ژ بۆی سه‌رۆكێ رێخستنا خوه ئاپۆی كرنه قوربانی، د په‌سنێ وان ده ژی دیسا گۆتیه فه‌دایێ ئاپۆ بن.
په‌كه‌كه هه‌ر رۆژ وێنه‌یێن كۆمێن زارۆكێن كوردان د مه‌دیایا خوه ده پارڤه‌دكه، زارۆكێن كو ژ هه‌ر چار په‌رچه‌یێن كوردستانێ هاتنه ره‌ڤاندن و ب ده‌ستێ ئارتێشا ده‌وله‌تا داگیركه‌ر دانه كوشتن و هێژان ژی مرنا پرانییا وان ڤه‌شارتی هشتییه.
