ئیرۆ 22/6/2023یێ سەرێ سبەھێ د ناڤبەرا پێشمەرگەیێن دو ئالیێن کۆمەلەیا زەحمەتکێشێن کوردستانێ و کۆمەلەیا شۆرەشگەر یا رۆژھلاتێ کوردستانێ دە شەر دەرکەت و ژ بەر وێ ژی 2 پێشمەرگە ھاتن کوشتن و پێشمەرگەیەکی دن ژی بریندار بوو.
ل گۆر زانیاریان ئیرۆ ل کامپا زڕگوێزەلە یا نێزیک سلێمانیێ د ناڤبەرا پێشمەرگەیێن کۆمەلەیا زەحمەتکێشێن کوردستانێ و کۆمەلەیا شۆرەشگەرێن زەحمەتکێشێن کوردستان یا ئیرانێ دە شەر دەرکەت.
ڤێ دەربارێ دە چاپەمەنیا سەر ب کۆمەلە یا زەحمەتکێشان راگەھاند: “ژ بەر ئێریشا ھێزێن کۆمەلەیا شۆرەشگەرێن زەحمەتکێشان بۆ سەر پێشمەرگەیێن کۆمەلەیا زەحمەتکێشان، دو پێشمەرگەیێن ب ناڤێن سامان ئیبراھیمی و ھیوا سادقی ژیانا خوە ژ دەست دانە و ھەری کێم پێشمەرگەیەکی دنێ ب ناڤێ کاوە رەحیمی ژی ب گرانی بریندار بوویە.”
دوھ 21/6/2023 کۆمەلەیا زەحمەتکێشێن کوردستانێ راگەھاندبوو، ھەولدانێن بۆ یەکگرتنێ ل گەل ئالیێ دن یێ کۆمەلە (کۆمەلەیا شۆرەشگەرێن زەحمەتکێش) ب شکەستێ تەمام بوونە و ئەو وەک ئالیێ کۆمەلەیا زەحمەتکێش دێ چالاکیێن خوە و خەباتا خوە بەردەوام بکن.
