سەرۆکێ ھەرێما کوردستانێ نێچیرڤان بارزانی ل باکویێ ب سەرۆکێ ئازەربایجانێ ئیلھام عەلیێڤ رە جڤیا.
سەرۆکێ ھەرێما کوردستانێ نێچیرڤان بارزانی ئیرۆ 18ێ تیرمەھا 2023 ب سەردانەکا فەرمی گھیشتە ئازەربایجانێ و لگەل سەرۆکێ ئازەربایجانێ ئیلھام عەلیێڤ جڤیا و پەیوەندیێن ئازەربایجانێ لگەل ئیراق و ھەرێما کوردستانێ و پێشخستنا ھەڤکاریێن ھەڤبەش د وارێن جودا دە ھاتن گۆتووبێژکرن.
سەردانا نێچیرڤان بارزانی بۆ باکویێ پشتی وێ یەکێ تێ، د مەھا سباتا بۆری دە، د چارچۆڤەیا کۆنفەرانسا مونشنێ یا ئالمانیایێ دە، سەرۆکێ ھەرێما کوردستانێ و سەرۆکێ ئازەربایجانێ جڤیان و د ھەڤدیتنەکێ دە پێشخستنا پەیوەندیان، بەرفرەھکرنا دانووستاندنێن بازرگانی د ناڤبەرا ھەولێر و باکوویێ دە و ڤەکرنا کۆنسولخانەیا ئازەربایجانێ ل ھەرێما کوردستانێ گۆتووبێژ کرن.
