پارتیا كاركه‌ران ل مه‌ها ئادارا ئیسالێ بریار گرتبوو ئه‌وێ ل هه‌رێما كوردستانێ جینایه‌تێن تاسفیه‌كرنێ و كوشتنان بكه، پێگه‌ها «داركا مازی» ل گولانا ئیسال و هه‌ر وها ل ده‌ستپێكا ڤێ مه‌هێ، وورده‌كاریێن ڤان پیلانێن قرێژ ئاشكه‌ره كربوون.
ل 23 تیرمه‌ها ئیسال 2023ان ته‌رۆریستێن پارتیا كاركه‌ران ب رییا بۆمبه‌كرنا وه‌سایتا وی، عه‌مید «محه‌مه‌د میرزا» ئه‌فسه‌ر خانه‌نشین یێ ئه‌نجومه‌نا ئاساییشا هه‌رێما كوردستانێ ل ناڤه‌ندا باژێرێ زاخۆ شه‌هید كر، سازییا دژه ته‌رۆرێ یا كوردستانێ هه‌ر د زوو ده له‌كۆلینا بوویه‌رێ كر و ده‌ركه‌ت هۆلێ كو ته‌رۆریستێن پارتیا كاركه‌ران ل پشت ڤێ بوویه‌را تاری هه‌نه.
سەرۆکوەزیرێ هەرێما کوردستانێ مەسروور بارزانی، ل هه‌مان رۆژا شه‌هیدبوونا «محەمەد میرزا» په‌یامه‌ك به‌لاڤكربوو و هه‌ر وها ژ بۆ ئەشکەرەکرنا دەستێن ل پشت ڤێ بوویەرێ فەرمان دابوو سازیێن پێوەندیدار.
سازییا دژه ته‌رۆرێ یا كوردستانێ ب ته‌علیماتێن سه‌رۆكوه‌زیر ده‌ست ب له‌كۆلینێن به‌رفره‌هـ كرن و شۆپا ته‌وانێ بۆ پارتیا كاركه‌ران چوو، دوهـ رۆژا ئینی 28/7/2023ان ژی دژه ته‌رۆرێ دیمه‌نێن ڤیدیۆیی كو ژ كامیرایێن چاڤدێریێ هاتنه گرتن پارڤه‌كرن و داخویاند كو ته‌رۆریستێن پارتیا كاركه‌ران محه‌مه‌د میرزا شه‌هید كری یه و گۆت كو ئه‌وێ تۆلا وی هلینن.
سەرلەشکەر محه‌مه‌د میرزا یوونس سۆفی یەک ژ کەسایەتیێن حەزکری یێن زاخۆ بوو. د شۆرەشا کوردستانێ دە کەدێن گرینگ دانه، ل 23 تیرمه‌ها 2023ان ده‌ستێن ره‌ش یێن ته‌رۆرێ گهیشتنێ و ئه‌و شه‌هید خست، خه‌لكێ زاخۆ هه‌ر د زوو ده گۆمانا ڤێ كریارێ بۆ پارتیا كاركه‌ران بربوون.
كه‌جه‌كێ ل مه‌ها ئادارێ بریارا ده‌ستپێكرنا ته‌وانێن تاسفیه‌كرنێ ل هه‌رێما كوردستانێ دابوو
كه‌جه‌كێ راگهاند ئەو دێ ل هەرێما کوردستانێ جینایەتێن نوو بکه‌ن
د هەڤسەرۆکاتیا كه‌جه‌كێ دا پێکهاتەیەک ب ناڤێ «کۆمیتەیا تێکلیێن دەرڤە» هەیە کو کارە ڤێ سازییێ رێخوه‌ش كرنه ژ بۆی ئه‌نجام دانا جینایەتان، دڤێ کارێ کۆمیتەیا تێکلیێن دەرڤە خەباتێن دیپلۆماتیک بە، لێ ئەڤ کۆمیتە کارێ بەلاڤکرنا تەرۆرێ، گەفێن کوشتنێ و ئالۆزی دروستکرنێ دكه، ڤێ کۆمیتا كه‌جه‌كێ پشتی قەتلکرنا حسێن ئاراسان ل خزیرانا 2023ان، ب کوشتنێ گەف ل وەلاتیێن هەرێما کوردستانێ کربوون.
چاڤکانیێن هەرێمی و ئاگاهیێن ژ هوندرێ په‌كه‌كێ دیار کرن کو كه‌جه‌كێ د ئادارا ئیسال دا “بریارا خوە دایە چالاکیێن هەمبەر دژبه‌رێن خوە بکە و رەوشێ ئالۆز بکە» دارکا مازی د 7ێ گولانێ دە ل سەر ڤێ مژارێ نووچەیەک وەشاند:
رێخستنا په‌كه‌كێ سازیه‌ك ژ بۆی تاسفیه‌كرنا دژبه‌رێن خوه و ته‌رۆر كرنا كادرۆیێن كو ژ رێخستنێ قوت بووین ل چیایێ گارێ یێ ل باشوورێ كوردستانێ ئاڤاكری یه و داركا مازی ئاگاهیێن هه‌ری نهێنی ده‌ربارێ وان ب ده‌ست خستنه.
په‌كه‌كێ سازیه‌ك ژ بۆی ته‌رۆركرنا دژبه‌رێن خوه ل گاره‌ی ڤه‌كری یه
چاڤكانیێن تایبه‌ت یێن پێگه‌ها داركا مازی ل 6 خزیرانا ئیسال 2023ان ئه‌شكه‌ره كربوون كو رێخستنا په‌كه‌كێ سازییه‌كه پڕ خه‌ته‌ر ل چیایێ گارێ یێ ل پارێزگه‌ها دهۆكێ ئاڤا كرییه، ئه‌ركا وێ ته‌رۆر كرن و تاسفیه كرنا دژبه‌رێن پارتیێ یه و هه‌ر وها كادرۆ و گه‌ریلایێن كو ره‌فێن رێخستنێ ب جی هشتنه و ژێ قوت بوونه.
ل گۆری ئاگاهیێن ده‌ستێ مه، كه‌سێن كو ل ڤێ سازییا په‌كه‌كێ د خه‌بتن، ژ هێزا تایبه‌ت یا په‌كه‌كێ نه و ئه‌ركا وان ته‌رۆر كرنا دژبه‌رێن سیاسه‌تا رێخستنێ نه و چه‌كدارێن په‌كه‌كێ یێن كو خوه ته‌سلیمی حكوومه‌تا باشوورێ كوردستانێ كری.
مرۆڤ دكاره ببێژه كریارا ته‌رۆریستییا شه‌هید كرنا عه‌مید محه‌مه‌د میرزا ب جینایه‌تا دویه‌مین پشتی بریارێن كه‌جه‌كێ یێن مه‌ها ئادارێ و تیرمه‌هێ یێن تاسفیه‌كرنێ تێ حه‌ساب كرن، 18 رۆژان ژ به‌ری شه‌هید خستنا محه‌مه‌د میرزا، ته‌رۆریستێن پارتیا كاركه‌ران ئێریشه‌ك ل باتووفا ژی ئه‌نجام دابوو.
ئێریشا باتووفا یا ب درۆنان
پەکەکە دیسا دەست ب ئێریشێن خوەیێن چەکداری ل دژی ھەرێما کوردستانێ دکە؟
