ژ بەر ئاگرێ ل چاناککالەیێ کو ئەڤ سێ رۆژن بەردەوامە تەنگاڤا چاناککالەیێ ژ ھاتنووچوونا کەشتیان رە ھاتە گرتن.
ژ رۆژا سێشەمبێ ڤە ئاگرەک مەزن ل دارستانێن باژارێ چاناککالەیێ یێ ترکیەیێ کەتیە و ھێزێن ئاگرکووژیێ ھەتا نھا ژی دگەل ھەموو ھەولان نەکارینە ئاگری ڤەمرینن.
وەزیرێ چاندنی و دارستانێ یێ ترکیەیێ ئیبراھیم یوماکل ئەشکەرە دکە، 8 بالافر. 30 ھەلیکۆپتەر، 790 بارھلگرێن ئاگرکووژیێ و ماکینەیێن کار و زێدەتر 3 ھەزار کارمەندێن ئاگرکووژیێ بەشدارێ خەباتێن ڤەمراندنا ئاگری دبن.
وەزیر ھەروھا دا زانین، ھەتا نھا 11 گوند د چارچۆڤەیا رێکاران دە ھاتنە ڤالاکرن.
ژ ئالیکی دن ڤە رێڤەبەریا گشتی یا ئاساییشا پەراڤان راگھاند، ژ بۆ کو بالافر و ھەلیکۆپتەر د ڤەمراندنا ئاگری دە بکاربن ب ئاوایەکی ئەولە ژ دەریایێ ئاڤ ھلدن، تەنگاڤا چاناککالەیێ ژ ھاتنووچوونا کەشتیان رە ھاتیە گرتن.
