دژە تەرۆرا کوردستانێ دەربارێ بۆمبەبارانا ئیرۆ یا قەزایا ماوەتێ زانیاری بەلاڤ کرن و راگھاند، فرۆکەیەکا بێ فرۆکەڤان یا ئارتێشا ترکیێ، مەفرەزەیەکا چەکدارێن پەکەکێ کرە ئارمانج و د ئەنجامێ دە دو چەکدار ھاتنە کوشتن و چەکدارەک ژی بریدار بوویە.
ل گۆر زانیاریێن دژە تەرۆرا کوردستانێ، ئیرۆ شەمبیێ 9 ئیلۆنا 2023، د دەمژمێر 10:00 دە، فرۆکەیەکا بێفرۆکەڤانا ئارتێشا ترکیێ، مەفرەزەیەکا چەکدارێن پەکەکێ ل دەردۆرا گوندێ باساوێ یێ ل قەزایا ماوەتا سەر ب پارێزگەھا سلێمانیێ کریە ئارمانج و د دەنجامێ دە دو چەکدار ھاتنە کوشتن و چەکدارەک ژی بریدار بوویە.
پێشتر، قایمەقامێ قەزایا ماوەت کامەران حەسەن راگھاند: “ڤێ سبێ ب رێیا فرۆکەیەکا بێفرۆکەڤان، گوندێ باساوێ یێ ل سینۆرێ قەزایا ماوەت ھات بۆمبەبارانکرن.”
کامەران حەسەن ئەشکەرە کر کو “بۆمبەباران نێزیکی دەمژمێر 9:10 خولەکا سبەھا ئیرۆ ھاتیە کرن، ژ بەر وێ شەوات دەرکەتیە و د ھەولا کۆنترۆلکرنا شەواتێ دە نە”.
