د ئەنجاما تەقینا ئۆتۆمۆبیلەکە بۆمبەکری ل ناڤا باژارێ عەفرینێ دە، ھەری کێم 2 چەکدار ھاتن کوشتن.
ژێدەرەکی ژ باژارێ عەفرینێ راگهاند، ئیرۆ دانێ سبێ ل تاخا زێدیێ یا عەفرینێ بۆمبەیەک ب ئۆتۆمۆبیلا سەرکردەیێ د گرووپا ئەولەھیا ئەنجوومەنا خوەجھیا عەفرینێ “ئەبوو عەمار ئەل-خۆتانی” دە تەقیا.
ل گۆری زانیاریێن دەستپێکێ، د ئەنجاما تەقینێ دە 2 کەس ھاتنە کوشتن.
ژ دەما داگیرکرنا عەفرینێ ژ ئالیێ ئارتێشا ترکیێ و گرووپێن چەکدار یێن سەر ب وێ ڤە د ئادارا 2018 دە، رەوشا ئەولەھیێ ب یەکجاری تێک چوویە و گەلەک جاران ل باژێر تەقین روو ددن و وەلاتیێن سڤیل ژی دبن قوربانی.
