ل رۆژئاڤا پێکانینێن دژە مرۆڤاھی یێن ل ھەمبەری کەسێن کو رێڤەبەریا رۆژئاڤا رەخنە دکن بەردەوام دکن. ڤێ جارێ مامۆستەیەک 71 سالی کو بلندبوونا نرخێ سۆتەمەنیێ رەخنە کری ھات رەڤاندن و راستی ئیشکەنجەیێ ھات.

زێدەکرنا 400 ژ سەدێ یێ نرخێ سۆتەمەنیێ ژ ئالیێ رێڤەبەریا رۆژئاڤا ڤە راستی بەرتەکێن مەزن یێن گەل ھات. ل گەلەک باژاران خوەپێشاندان ھاتن لدارخستن. لێ بەلێ رێڤەبەریا رۆژئاڤا ب گەفخوارنێن کو دێ ئەرزاق ل کەسێن تەڤلی چالاکیان بوونە هێت بڕین ھەول دا رێگریێ ل خوەپێشاندانان بکە. ھەر وھا ب کارێن دژە مرۆڤاھی ھەول ھات دایین کەسێن کو بانگا چالاکیان دکن بترسینن. یەک ژ وان مامۆستەیێ ب ناڤێ مووشید حەمۆ برۆ یێ 71 سالی بوو.

مووشید حەمۆ برۆ یێ کو ل گوندێ ھەلنجە یێ کۆبانێ دژیت، د 20 ئیلۆنێ دە ژ ئالیێ جوانێن شۆرەشگەر ڤە ھات رەڤاندن. مامۆستەیێ کو د دەردۆرێ دە ب ناڤ و دەنگ بوو، پێشی برن جھەکی نە دیار. رێخستنا پەکەکێ یا ب ناڤێ جوانێن شۆرەشگەر یا کو مووشید حەمۆ رەڤاند، ژێ رە گۆت کو ئەو تاوانبارە “ژ بەر کو بەشداری خوەپێشاندانێن دژی بلندبوونا نرخا سۆتەمەنیێ بوویە”.

پشتی کو مامۆستەیێ 71 سالی ھاتیە رەڤاندن، چاڤێن وی گرتن و برن جھەکی نەدیار. ل ڤر راستی ئیشکەنجەیێن گران ھات. مامۆستە د دەما ئیشکەنجەیێ دە گەلەک جاران ژ ھشێ خوە چوو و لنگێ وێ شکەست. ل سەر ملێن وی دو شکەستنێن جودا ھەنە. پشتی کو رایا گشتی ل سەر رەڤاندنێ ئاگەهدار بووی و بەرتەک نیشان دای، مووشید حەمۆ ئاڤێتن کۆلانا ئەل عەین یا کۆبانێ. ژ مووشید حەمۆ و مالباتا وی رە ھات گۆتن کو گەر جارەکە دن بەشداری چالاکیێن ب ڤی رەنگی ببە و ژ ئیشکەنجەیا ل وی ھاتیە کرن گلی بکە، ڤێ جارێ دێ “زمانێ وی ژێکن”. ژ مالباتێ رە ھات گۆتن، “سکالایێ تۆمار نەکن، ل ڤڕ یێن دادگەهێ، نیزاما گشتی و یاسایێ جێبەجێ دکن ئەمن.”

مامۆستە مووشید حەمۆ برۆ بۆ نەخوەشخانەیا ئەل-ئەمەل یا باژارێ کۆبانی ھات ڤەگوھەستن.

SOHR ژ بۆ مووشید حەمۆ برۆ یێ 71 سالی بانگا هەڤپەیمانیا ناڤدەولەتی دکە

تۆرا مافێن مرۆڤان یا سووریەیێ SOHR ب داخویانیەکێ بوویەر شەرمەزار کر. د بانگەوازیا خوە دە ژ بۆ ھەڤپەیمانیا ناڤدەولەتی و ھێزێن پشتەڤانیا ھەسەدێ دکن، داخوازا لێکۆلینێ ل سەر بنپێکرنا مافێن مرۆڤان کر.

د داخویانیا SOHR دە ب تایبەتی بال ھات کشاندن سەر بوویەرێن کۆبانی.

د داخویانیێ دە وھا ھات گۆتن: “پێڤاژۆیەک ل دەرڤەیی سیستەما دادوەری و ھێزێن ئەولەکاریا ناڤخوەیی پێک ھات. ھەر وھا رێگری ل ھەڤدیتنا مالبات و پارێزەران ھات کرن.” ھات دیارکرن کو بەرپرسێ ڤێ مژارێ ھەسەدە یە کو د دەمێن داوی دە گەلەک جاران بوویەرێن وھا ل رۆژئاڤا دقەومن.

کریارێن مافیایێ یێن جوانێن شۆرەشگەر یێن داوی

جوانێن شۆرەشگەر، رێخستنا جوانێن پەکەکێ یا ل رۆژئاڤا، پێکھاتەیەکە کو ب توندیا ل دژی رەخنەگرێن رۆژئاڤا دکە تێ ناسکرن. د ھەمان دەمێ دە ژ پەیداکرنا پێویستیێن شەرڤانێن پەکەکێ بەرپرسیارە. پری جاران زارۆکێن د بن 18 سالی دە ژ ئالیێ ڤێ رێخستنێ تێن رەڤاندن و دەرباسی کامپێن لەشکری تێن کرن و ب دارێ زۆرێ تێن چەکدارکرن.

د ڤان دەمێن داوین دە ب رێبازا رەڤاندنا رەخنەگران، گەفا ل وان دکن و ب زۆرێ ڤیدیۆیان چێدکن و وان نەچار دکن لێبۆرینێ بخوازن.

جوانێ ب ناڤێ رێبەر حوسەیین ژ بەر کو ل سەر حەسابا خوە یا مەدیایا جڤاکی زێدەکرنا نرخا سۆتەمەنیێ رەخنە کربوو و ب نڤیسەکێ بانگ ل گەل کر کو نەرازیبوونا خوە نیشان بدە، ھاتە رەڤاندن.

جوانێ کو راستی ئیشکەنجەیێن گران ھاتی، دەما دەست و لنگێن وی ھاتبوون گرێدان نەچار ما کو لێبۆرینێ بخوازە و ڤیدەئۆیا وی ل سەر مەدیایا جڤاکی ھات پارڤەکرن. https://darkamazi.net/archives/1041126

دیسا ل باژارێ کۆبانێ یێ رۆژئاڤا جوانێ ب ناڤێ مەندی مەحموود ژ بەر کو ل سەر مەدیایا جڤاکی نووچەیەک دەربارێ موراد قارایلان دە شیرۆڤە و رەخنە کربوو، ژ ئالیێ کۆما جوانێن شۆرەشگەر یا پەکەکێ ڤە ھات رەڤاندن و راستی ئیشکەنجەیێ ھات. پشترە نەچار ما کو لێبۆرینێ بخوازە. ھن ژ خزمێن مەندی مەحموود دیار کرن کو مەحموود ب دەستدرێژیا سێکسی ھاتیە تەھدیتکرن و ژ بەر ڤێ سەدەمێ ژی مەحموود نەچار مایە کو لێبۆرینێ بخوازە. https://darkamazi.net/archives/1041112