د سەر قەتلکرنا خەباتکارا تەڤگەرا ژنان یا په‌كه‌كێ ناگیهان ئاکارسەل رە سالەک دەرباس بوو. کوژەر پشتی کوشتنێ ب چەند ساعەتان ب هەڤکارییا ئاساییشا هەولێر و کۆیەیێ هات گرتن و شاندن سلێمانیێ. تەڤی کو سالەک ل سەر ڤێ بوویەرێ دەرباس بوویە ژی لێ کەس قالا وی قاتلی ناکە بۆ چ؟
د 4ێ جۆتمەها 2022 دا ل ناڤچەیا به‌ختیاری یا سلێمانیێ، ئەنداما په‌كه‌كێ ناگیهان ئاکارسەل کو د ناڤا خەباتێن ژنان دا جهـ دگرت ب چەکی هاتە قەتلکرن. شاهدێن بوویەرێ دیار کرن کو قاتل ل ئاکارسەلێ د شۆپاند و هەتا کۆلانەکێ ژ دوور ڤە سلاڤ دانە هەڤ. ژ بەر ڤێ ژی دیارە کو ئاکارسەل کوژەر ناس دکر.
پشتی جینایەتێ ب ساعەتان هات راگهاندن کو کوژەر هاتیە گرتن. هێزێن ئاساییشا گشتی یا سلێمانیێ راگهاندن کو قاتل خەلکێ باکورێ کوردستانێ یە. د 10ێ جۆتمەهێ دا دەنگێ ئه‌مەریکا دیمەنێن ڤیدیۆیی یێن کوژەری بەلاڤ کربوون و راگهاندبوو کو قاتل هەڤباژارییێ ئاکارسەلێ یە.
ل گۆری نووچەی قاتل ژ کوشتنا ئاکارسەلێ پۆشمان بوویە. لێ دەنگێ ئه‌مەریکا پشتی چەند ساعەتان ئەڤ نووچە ژێبر. لێ ڤیدیۆیا کو هاتیە وەشاندن هێ ژی ل سەر تۆرێن جڤاکی دگەرە.
کوژەر د دەستێ یه‌نه‌كێ و په‌كه‌كێ دا یە
چاڤکانیێن سلێمانیێ دیار کرن کو رێخستنا ئیستخباراتا یه‌نه‌كێ زانیاری و پێکهاتەیێن ئیستخباراتا په‌كه‌كێ ل گه‌ل کوژەری هەڤدیتن پێک ئانینە. واته هەم یه‌نه‌كه و هەم ژی په‌كه‌كێ ئاگاهیێن بەرفرەهـ ل سەر کوژەری هەنە.
تشتێ بالکێش ئەوە کو دەولەتا ترک ژی بەرپرسیارییا کوشتنێ نەراستەراست گرتبوو سەر خوە. بالیۆزێ ترکیێ یێ ل بەغدایێ عەلی رزا گونەی ب ئاوایەکی بەرپرسیارییا بوویەرێ گرت سەر خوە و گۆت، «یێن تێکلداری په‌كه‌كێ و یێن گرێدایی په‌كه‌كێ ئارمانجا مەنە». بەرێ ژی ل سلێمانیێ ئەندامێن په‌كه‌كێ هاتبوون لێخستن. په‌كه‌كە د هەر ده‌لیڤه‌یه‌كێ دا حکوومەتا هەرێما کوردستانێ تۆمەتبار دکە و دبێژە کوژەر نەهاتنە گرتن و ئەشکەرەکرن. لێ د ناڤ جینایەتان دا تەنێ کوژەرێ ئاکارسەلێ هاتییە گرتن و ئەو کوژەر د دەستێ یه‌نه‌كێ و په‌كه‌كێ دا یە.
لێ د سه‌ر ڤێ ژی ره دیاره کوژەر چما ب فەرمی ناهێ راگهاندن، دا كو ئەو شک و پرسیارێن ل سەر کارمەندێن په‌كه‌كێ ئاشکەرە نەبن. یه‌نه‌كە دخوازە رێ ل بەر خرابوونا پەیوەندیێن ل گەل ترکیێ بگرە کو هێژ زێدەتر خەراب نەبن. ژ بەر وێ ژی دخوازن مژارا کوژەرێ ئاکارسەل ب مە بدن ژ بیر کرن. ژ ئالیێ دن ڤە په‌كه‌كە ژ بەر کو شۆپا هەموو کوژەران بەر ب بارەگاهێن په‌كه‌كێ ڤە دچە ڤێجا دخوازە شک و گومانا شێلی و بەرزە بکە.
د بوویەرا ئاکارسەلێ دا هەم شۆپا کوژەر و هەم ژی یێ کو ئالیکاریا کوژەری کریە بەر ب په‌كه‌كێ ڤە دچە.
کوژەر کەسەک بوو کو چوون و هاتن ل کۆمەلەیا کارکەرێن مەزۆپۆتامیا یا په‌كه‌كێ ل سلێمانیێ دکر. ب گەلەک ئەندامێن په‌كه‌كێ رە ل خوارنگەهـ و ئۆفیسان دا روونشتن پێک ئانییە. یانی کوژەر ژ ناڤ مالا په‌كه‌كێ ب خوە بوو.
هەڤکارێ کوژەری ژی ژ خەلکێ هەرێمێ بوو. د هەمان دەمێ دا ئەڤ هەڤکار ئەندامێ رێخستنا جوانێن په‌كه‌كێ یە کو ناڤەندا وێ ل سلێمانیێ یە.
د دەربارێ بوویەرێ دا کەسێ ب ناڤێ «کارمەند کەمال نوورەدین» کو د ناڤ رێخستنا جوانێن په‌كه‌كێ یا ب ناڤێ «کۆمەلەیا جوانێن وەلاتپارێزێن کوردستانێ» دا جهـ دگرت. ئەو ژی هاتیە گرتن و هەتا نها چارەنڤیسا وی نەدیارە. هات دیارکرن کو خەباتکارێ جوانێن په‌كه‌كێ نوورەدین ب رێخستنا ئیستیخباراتا په‌كه‌كێ NLP (ناڤەندا لێکۆلینێن پۆله‌تیک) رە ژی په‌بوەندیدارە.
د کوشتنا زەکی چەلەبی دا ل (17 گولان 2022) ژی گومانێن ب هەمان رەنگی هەبوون.
د بوویەرا زەکی چەلەبی دا سەرەداڤ پەکەکێ نیشان ددن
ل گۆری پێزانین و بهیستنێن مە یێن ژ دۆرانێن په‌كه‌كێ، دیار دبه کو په‌كه‌كێ سۆز دایە کوژەرێ ئاکارسەلێ کو «ئەگەر دانپێدانێ بکە دێ بێ عەفووکرن». ل گۆری هەمان چاڤکانیان، په‌كه‌كە دێ پشترە ڤیدیۆیەکێ بەلاڤ بکە و تێ دا راستییێن بوویەرێ بڤەشێرە.
ئەشکەرەیە کو یێ ئەڤ سالەکە ناڤێ کوژەری ژ رایا کورد دڤەشێرە ناهێلە کو کوژەر تشتەکی پێباوەر ببێژە.
په‌كه‌كە یا کو ب ناڤێ «ئاکارسەل» پرتووکخانە ڤەکری و گەلەک پرۆژە ل دار خستی، لێ هێژ ناڤێ قاتلی ئاشکەرە نەکری یه، د ناڤا هەلوەستەکە خاپینۆک دا یە.
ناگیهان ئاکارسەل کی یە؟
ب ناڤێ کۆد زیلان ئاناتۆلیا ئان ژی ناگیهان ئاکارسەل ل باژارێ کۆنیایێ ژ دایک بوویە و دەما خوەندەکارا زانینگەها گازیێ بوو په‌كه‌كە ناس کری یە. ئاکارسەل د سالا 1997ێ دا د چە یەونانیستانێ و پشترە دەرباسی کامپا دۆلا کۆکە یا ل قەندیلێ دبە. پشتی پەروەردێ د سالا 2000 دا وێ دشینن مەرتەپۆلێن ترکیێ. د سالا 2001 دە هات گرتن و 12 سال جەزا خوار. ئەو د سالا 2006 دا ژ زیندانێ تێ بەردان. پشتی دەورەیا پەروەردەیا کادرۆیێن په‌كه‌كێ ل قەندیلێ د قەدینە، دیسا وێ رێدکن ترکیێ. ل ور د سازییێن مەدیایێ دا دخەبتە. پشتی کو دەر بارێ وێ دا دۆز هات ڤەکرن و بریارا گرتنێ هات دایین، ئەو دەرباسی رۆژئاڤا دبە. پشتره رێڤەبەرییا په‌كه‌كێ وێ دکشینە قەندیلی و ل سلێمانیێ تێ ئەرکدار کرن.
