ئارتێشا ترکیێ گوندەکێ ناحیا شەرایێ یا عه‌فرینا رۆژئاڤایێ کوردستانێ تۆپباران کر.
چاڤکانیێن خوەجهی یێن ژ عه‌فرینێ راگهاندن کو ترکیێ شەڤا بۆری گوندێ شەوارخێ یێ شەرایێ تۆپباران کریە.
هەتا نها ل سەر ئەنجامێن ڤێ ئێرشێ چ ئاگاهی نەهاتنە بدەستخستن.
ترکیێ ژ 4ێ چریا پێشینێ ڤە ئێرشێن خوە یێن ل رۆژئاڤایێ کوردستانێ زێدە کرنە.
ترکیە، رۆژئاڤایێ کوردستانێ ژ دێرکێ هەتا عه‌فرینێ تۆپباران و بۆمبەباران دکە.
د ڤان ئێرشان دە ب پرانی ژێرخانەیا رۆژئاڤایێ کوردستانێ تێ ئارمانجگرتن.
تەڤلی زارۆک، ئەندامێن ئەولەهیێ و شەرڤانێن هه‌سه‌دێ 44 کەسان ژیانا خوە ژ دەست دا 55 کەس ژی بریندار بوون.
ل ئالیێ دن، رێڤەبەریا خوەسەر راگهاند کو ڤان ئێرشان هەری کێم باندۆر ل 2 ملیۆن کەسان کریە.
