تێگەهێ کۆنتراگەریلا د تەرمینۆلۆژی “زانستێ کو لێکۆلینێ ل سەر پەیڤان دکە” و ژییانا سیاسی یا سالێن 1990 دە جھەکی گرینگ د گرت. کۆنتراگەریلا ب راستی ھێزەکە کو ل دژی ھێزێن گەریلا ھاتیە ئاڤاکرن. د ناڤا دەولەتا ترک دە ھێزەکا نەفەرمی یا کوژەرە. بنگەھا وێ ل سەر پەیڤا ئینگلیزی Counter (دژی ھەمبەر) تێ.
ل سەر ڤێ تێگەھێ گەر ئەم لێ بنێرن دڤێت مەدیایا پەکەکێ یا کو ل دژی کوردان تەڤدگەرە وەکە چاپەمەنیا کۆنتراکورد بێ پێناسە کرن.
راگەھاندنا پەکەکێ راگەھاندنەکا دژە کوردە. راگەھاندنا پەکەکێ چ نرخێن کوردەواری د وارێ ئەخلاقی، مەبدەئی و نەتەوی دە نینە. مینا شەرفرۆشێن ل ستادیومان، بێ ئەدەب، بێ روومەت و ئێریشکارن. وندا بکن ئێرش دکن سەر بکەڤن ژی دیسا ئێرش دکن.
بەلێ، مەدیایا پەکەکێ ب راستی تەڤگەرەکا دژە کوردە. د ڤان دەمێن داوی دە بێھنا خیانەتا گەنی ژ ڤێ راگەھاندنێ دفریت.
د 19 جۆتمەھێ دە پەکەکێ چەپەرێن خوە یێن ل چیایێ قەرەچۆخ رادەستی حەشدا شەعبی کربوون. د دەما کو ھێزێن پێشمەرگە ھەول ددان چەپەرێن خوە قائیم بکن و بپارێزن، د 22 جۆتمەھێ دە شەر و پەڤچوون دەرکەت و 2 پێشمەرگە شەھید بوون. ل گۆری زانیاریێن کو کەتنە دەستێ مە دە، د شەر دە 2 لەشکەرێن ئارتێشا ئیراقێ و 8 ئەندامێن حەشدا شەعبی ھاتنە کوشتن.
مەدیایا پەکەکێ پشتی ڤێ پەڤچوونێ نووچەیێن دەرەو ل سەر وان ھەر دو پێشمەرگەیێن شەھید بووی بەلاڤ دکە و بێرێزی ب شەھیدان دکە. نھا ژی پەکەکە دخوازە ژ بۆ کو خییانەتا خوە یا رادەستکرنا ئاخا کوردستانێ بۆ دەستێ حەشدا شەعبی ڤەشێرە ھندەک دەرەوان بەلاڤ بکە. ل گۆری دەرەوێن کو پەکەکێ خوەست بەلاڤ بکە، “د بوویەرێ دە پێشمەرگەیێ سێیەمین یێ ب ناڤێ ئەحمەد حسێن ژی شەھید بوویە و ئەڤ کەسە راستی ترکەکی ب ناڤێ “یاڤوز ئەردەمە” و ئەندامێ میتێ بوویە.”
ب ڤێ دەرەوێ، ھەول ددە کو ببێژە، “ئەگەر مە نەدابا ئیراقێ، پەدەکە دا ترکان ئینیت وێ دەرێ.” پێشی ئەم ڤێ یەکێ ببێژن: دایک و باب و بنەمالا ھێزێن پێشمەرگە ناسکرینە و ھەموو ژی ھەڤدو ناس دکن. ھەر کەس دزانە کی مر و کی مایە. ل باشوور کەس نکارە روودانێن مرنێ ڤەشێرە ئەڤ یێک ل گەل سۆسیۆلۆژییا دەڤەرێ نە گونجاوە و پێشمەرگێ کوردستانێ چ پیتەی ب درەوان نادە. پەکەکە ھەموو کەسی وەکە خوە درەوین و تاری دبینە. ئەو ھێزا کو کوشتییێن خوە ئاشکەرا ناکە، ئان ژی ل گۆری بەرژەوەندییێن پارتییا خوە مرییێن خوە دکە ئاموورەکی پرۆپاگاندەیێ پەکەکە ب خوەیە. پەکەکە کەنگی بخوازە ونداھییێن خوە رادگهینیت. ل راگەھاندنا وێ بنێرن ھوونێ ب زەلالی ببینن چەکدارێن وێ یێن بەرییا 5 سالان ژییانا خوە ژ دەست دایی نها رادگەهینن. ئەندامێن خوە یێن کوشتی ژی گاڤا پێدڤی بە وەکە شەھید رادگەھینە. واتە پەکەکە کولووزکێ درەوایە کەس ڤێرا ناگھە. بوویەرا ل قەرەچۆخ دیارە. دەرەوێن پەکەکێ تەنێ ژ بۆ وێ یەکێ نە کو باندۆرێ ل لایەنگرێن خوە بکە و ھەلبەت ئیراق و حەشدا شەعبی ژی ھێژ زێدەتر دلشاد بکە.
مەدیایا پەکەکێ دبێژە کو وان ئەندامێن میتێ یێن د ناڤا پێشمەرگە دە تەسپیت کرنە. ھەکە تو وە ژێھاتیی، دەستپێکێ ئەندامێن میتێ یێن د ناڤا خوە دە ئیسپات بکە. خوەفرۆشی و جەحشاتی رێبازا پەکەکێ بخوەیە. د ناڤا رێبازەکا وھا دە مرۆڤ ل راستییێ بگەرە دێ بێ ئەنجام بە.
ل رۆژئاڤا ھەر رۆژ ئۆتۆمۆبیلێن پەکەکێ تێن ئارمانجکرن، رێڤەبەرێن وە یێن ل سەرێ چیا تێن دیتن و گولـلەبارانکرن. گەلۆ ما ژ بلی هەوە کی وان جھێن وە یێن نهێنی دبینە کو زانیاریان بدە میتێ؟ گەر ھوون دخوازن میتێ ببینن ھەرن پێشبەری ئەینکێ دێ ب زەلالی بینن. ل هێرڤە ویرڤە نەگەرن، ل رابردۆیێ سەرۆک و فەرماندێن خوە بنێرن ھوون دێ میتێ بینن.
ھەڤسەرۆکا مەجلسا گەل یا مەخموورێ “فیلیز بوداک” ژی ل گەل چاپەمەنیا پەکەکێ درووشم قیراندن و گۆت، “میتا ترک د بن ناڤ و جلێن پەدەکێ دە دخوازە بهێت ل کامپێ کۆمکوژیان بکە.” فیلیز خانم، نە ھەوجەیە کو میتا ترک ب یۆنیفۆرمێن پەدەکێ بهێت. تو ل وری ما نە بەسە؟ میت د ھوندورێ وە دەیە. ژ سەدی 70 خەلکێ مەخموورێ خوەدی پاساپۆرتا ترکیێ نە. پرانیا خۆرتێن ل کامپا مەخموورێ دژین، ب وێ پاساپۆرتێ دچن ترکیێ و لەشکەرییا ترکان دکن و ڤەدگەرن کامپێ. ژ ھەر چار کەسێن ل بەر کۆنسۆلۆسخانەیا ترکییێ یا ھەولێرێ، یەک ژێ خەلکێ مەخموورێ یە. نھا ل بەر بالیۆزخانەیا بەغدایێ رێزێ چێدکن. ژ خوە خزمێن فیلیز بوداک یێن ل کامپێ ژی پاساپۆرتا ترکان هەیە.
فیلیز خانم د ھەمان دەمێ دە رێڤەبەرا مەجلیسا گەلە. دەستپێکێ بلا حەسابا جوانێ ب ناڤێ دلۆڤان ئیشلاک یێ ژ ئالیێ ئارتێشا ترک ھاتیە کوشتن بدە خەلکێ مەخموورێ. ئەو خۆرت بوو قوربانیێ کادرۆیا ژن یا پەکەکێ یا ب ناڤێ کوردستان.
نە ھەوجەیە کو زێدە درێژ بکن، پەکەکێ کۆپیا داعشێ “حەشدا شەعبی” کو ژنێن کورد ل شەنگالێ دیل گرتن و فرۆتن ئانی دانا سەر سەرێ گەلێ مەخموورێ. چییایێن ھەری گرینگێن کوردستانێ رادەستی ترک، عەرەب و فارسا کرن. گەر ناڤێ ڤێ یەکێ نە خییانەت بە دێ چ بە. مەدیایا پەکەکێ خوە بدرینە ژی نکارە ڤێ راستیێ بگوھەرینە.
پەکەکە ھەول ددە کو د شەرێ وەکالەتێ یێ ل رۆژھلاتا ناڤین دە ب خوینا جوانێن کورد و فرۆتنا پاشەرۆژا کوردان بدە مەشاندن. ژ بۆ دۆماندنا تەمەنێ رێخستنا خوە دکارە ھەموو نرخ و دەستکەفتێن کوردان بفرۆشە.
یێ کو عەفرین رادەستکری پەکەکە یە. یێ کو ل سەرێ کانیێ چ خوەندەکارەکێ کو کوردی بخوینە نەھێلایی، ئانکو ئەو ھەرێم دایی ترکا پەکەکە یە. یێ کو ژ خاخورکێ دەرکەتی پەکەکە یە.یێ حەفتەنین رادەستکری پەکەکە یە. یێ کو ئالایێ ئیراقێ ل شەنگالێ دالەقاندی پەکەکە یە. یێ کو حەشدا شەعبی ئانیە کامپا مەخموور و قەرەچۆخ پەکەکە یە. چاوا کو حەماسێ ژ بلی مرنێ تشتەک ژ بۆ فلستینێ نەئانی، پەکەکێ ژی لگەل خوە ژ بۆی کوردان تەنێ مرن، مالوێرانی، دەربەدەری و بێ ئۆمێدی ئانییە.
