سازیا ئیستخباراتا مللی یا ترکیێ (میتێ) راگەھاند، بەرپرسێ لۆژیستیکی یێ پەکەکێ ل ھەرێما مەتینا د ئۆپەراسیۆنەکی دە کوشتیە.
ل گۆر چاپەمەنیا ترکیێ و ئاژانسا ئانادۆلو یا فەرمی یا ترکیێ، بەرپرسێ لۆژیستیک و دارایی یێ ھەرێما مەتینا یێ پەکەکێ جاھید ئاکتای یێ کو وەک حوسەین پیران تێ ناس کرن د ئۆپەراسیۆنەکا میتێ دە ژیانا خوە ژ دەست دایە.
ھات راگەھاندن جاھید ئاکتای د گەلەک چالاکیێن ل دژی ئارتێشا ترکیێ دە جیھ گرتیە و ژ ئالیێ رێخستنێ ڤە ژی ل ھەمبەر ھێزێن ئۆپەراسیۆنا پەنجە-کلید یێن ھێزێن ئارتێشا ترکیێ ب تایبەت ھاتبوو ئەرکدار کرن. ھەروەھا د لیستەیا وەزارەتا ناڤخوە یا ترکیێ یا کەسێن لێگەرینا وان ھەیی دە د کاتەگۆریا پرتەقالی دە جیھ دگرت.
ل گۆر چاپەمەنیا ترکیێ، جاھید ئاکتای ژ بۆ بێ کوشتن سیخورێن تایبەت پەروەردەکری ل قادێ ھاتنە ئەرکدار کرن و پشترە جیھێ وی ھاتیە دیار کرن و دەما جاھید ئاکتای و چەکدارێن دن یێن ل گەل ژ بۆ چالاکیەکا ل دژی ھێزێن ئۆپەراسیۆنا ترکیێ یێن ل قادا پەنجە – کیلید بکن ب ئۆپەراسیۆنەکا نۆقتەیی ڤە جاھید ئاکتای (حوسەین پیران) و چەکدارێن دن یێن ل گەل ھاتنە کوشتن.
