چەکدارێن سولتان موراد، ل گوندێ قورنێ یێ سەر ب ناڤچەیا بلبلێ یا ھەرێما عەفرینا رۆژئاڤای کوردستانێ، ل سەر دەستەسەرکرنا مال و مولکێن کوردان، ب ھەڤ کەتن، د ئەنجامێ دە بریندار کەتن.
ژێدەرەکە تایبەت ئیرۆ دا زانین: د 30 مەھا بووری دە، شەر د ناڤبەرا چەکدارێن موراد ئەبوو وەلید ئەلزی و چەکدارێن حیجاب فەیسەل ئەلزی کو پسمامێن ھەڤن، د ناڤا چەکدارێن سولتان مورادن، ل ناڤ گوند، ل مالا کو ژ خوە رە کرنە بارەگەھا لەشکەری، شەر دەرکەت، سەدەم ژی، ل سەر دەستسەرکرنا دەمسالا دارێن زەیتوونان یێن کوردانە.
ژێدەری ئانی زمان ژی: ب دەھان ھەزار ژ دارێن زەیتوونان ل گوند و دەردۆرا وێ، چەکدارێن سولتان موراد ژ خوە رە دەستەسەر کرنە و خێر و بێرێن وێ دبن، جارنان ناکۆکی ناڤبەرا وان ب خوە دە دەردکەڤە و ترس و نەرحەتیەکێ دخن ناڤا دلێ سڤیلان دە.
ل ئالیەکی دن، ل ھندەک گوندێن ناڤچەیا شێراوا وەکە سۆخانەکێ و کیمارێ، چۆتکارێن کورد نکارن بەرھەما دارێن خوە بچنن، ژ بەر کو ئەو دەڤەر وەکە دەڤەرەکە لەشکەری ھاتیە راگھاندن.
ژێدەرا تایبەر تەکەز کر: گوندێ سۆخانەکێ د بن دەستێ پەیەدێ و رێژیما سووریێ دە یە و گوندێ کیمارێ د بن دەستێ تورکیێ و چەکدارێن ھەمزات دە یە ھەر دو گوند ھەڤسینۆرن، دەشتا ھەر دو گوندێن ھەڤسینۆر وەکە دەڤەرەکە لەشکەری ھاتیە راگھاندن کو 3000 – 4000 دارێن زەیتوونان یێن کوردان ژ چنینێ بێپارن.
ب ھاتنا دەمسالا زەیتوونان، ھەر جورەکە بنپێکرنا پێ رە تێ ھۆلێ، ژ بلی دەستسەرکرن و بێپارکرنا بەرھەمێ، باجەکە گران ل سەر جۆتکار و خوەدیێن گوڤاژگەھان تێنە سەپاندن.
