سێ درۆنێن بۆمبەکری ل هەولێرێ هاتن ئێخستن

سەرێ سبەها ئیرۆ سێ درۆنێن بۆمبەکری ل بالافرخانەیا ناڤدەولەتی یا هەولێرێ هاتنە ئێخستن.

ل دوو زانیارێن دژەتەرۆرا کوردستانێ، ساعەت 05:05ێ سەرێ سبەها ئیرۆ (سێشەم، 16.1.2024)، سێ درۆنێن بۆمبەکری ل هەولێرێ هاتن پووچکرن و ئێخستن، کو ئاراستەیی بنگەها سەربازی یا هەڤپەیمانیا ناڤدەولەتی یا دژی داعشێ ل بالافرخانەیا ناڤدەولەتی یا هەولێرێ هاتبوون کرن.

ئەڤ د دەمەکێ دەیە کو شەڤا بۆری (دوشەم، 15.1.2024) ئارتێشا پاسدارێن ئیرانێ ب چەند مۆشەکێن بالستی چەند دەڤەرێن سڤیلێن هەولێرێ مۆشەکباران کرن.

ل دوو نووترین ئامار، پێنج وەلاتیێن سڤیل شەهید بوونە و شەش وەلاتیێن دن ژی بریندارن کو رەوشا تەندروستیا هندەک ژ وان خرابە.