نێچیرڤان بارزانی: بلا ئەم بیرئانینا شەھیدان بکن ھێڤێنێ یەکرێزی و تەڤایی و ھەڤپەژراندنێ

سەرۆکێ ھەرێما کوردستانێ د سالڤەگەرا بیستێ یا شەھیدێن 1 شباتێ دە پەیامەک ل سەر تۆرا جڤاکی یا X بەلاڤ کریە و تێ دە دبێژە، “بلا ئەم بیرانینا شەھیدان بکن ھێڤێنێ یەکرێزی و تەڤایی و ھەڤپەژراندنێ”.

سەرۆکێ ھەرێما کوردستانێ نێچیرڤان بارزانی ئیرۆ (پێنجشەمبێ، 1 شباتا 2024) د سالڤەگەرا بیستێ یا شەھیدێن 1 شباتا 2004 دە پەیامەک ل سەر تۆرا جڤاکی یا X بەلاڤ کریە.

سەرۆکێ ھەرێما کوردستانێ د بەشەکا وێ پەیاما خوە دە نڤیسیە، “ئەم ئیرۆ ب سەربلندی ڤە ھەڤال و ھەڤکارێن خوە، شەھیدێن 1 شباتێ، ل بیر تینن و ئەم سەرێ رێزێ ژ بۆ وان دچەمینن”.

ھەر دیسا د بەشەکا دی یا پەیاما وی دە ھاتیە، “بلا ئەم بیرئانینا شەھیدان، کو ھەژمارەکا سەرکردە و کادرێن دیار و ب شیان یێن پەدەکێ و یەنەکێ و ئالیێن دی و خەلکێ کوردستانێ بوون و بوون ئارمانجا تاوانەکا رەشا تەرۆریستی، بکن ھێڤێنێ یەکرێزی و تەڤایی و ھەڤپەژراندنێ و کارکرنا ب ھەڤ رە ژ بۆ باشتر خزمەتکرنا نھا و پاشەرۆژا گەل و وەلاتێ خوە.”