Skip to contentپەکەکە كتكا چاڤنقه
پارتیا كاركه‌ران ب گشتى و كه‌ساتیا عەڤدللا ئۆجالان ب تایبەتی وه‌كه كتكێ نه، كتك ژ وان جاندارن تێ ناسکرن کو چقاس نان بدی وێ، زكێ وێ تێر بكی، چقاس خزمەت و ئالیکاریێ ژێ ره بکی، پشتی تێرێ د خوه چاڤێن خوه دنقینه، قه‌نجیێ ژبیر دكه، عه‌ینی تشت په‌كه‌كه چقاس ئالیكارییا وێ بكی، ئه‌و دێ چاڤێ خو نقینه و ده‌وام نه‌رازی و ده‌ڤ ب گازن به.
پشتی داربەیا 12 ئیلۆنا سالا 1980ان، لەشکەرێ ترکیێ گڤاشەک مەزن خست سەر پارتیێن دژبەر یێن د ناڤا ترکیێ دە، پەکەکە یەک ژ وان بوو، پشتى ڤێ داربەیێ پەکەکێ کۆنفەرانسەک ساز کر د کۆنفەرانسێ دە پەکەکە گهیشت وێ بریارێ كو ب تەنێ ب رێیا چه‌كدارى ئه‌و دکارە ده‌ستهلاتا تركیێ بگوهەرینە، پەکەکێ ل ده‌ستپیكێ هەژمارەک گه‌ریلا ژ بۆی شەر شاندن باكورێ كوردستانێ، لێ پرانیا وان جانێ خوە ژده‌ست دان، هنەک ژ پارتیێ قوت بوون، پشتره پەکەکە راستی تەڤلیهەڤیەک مەزن تێ، ئەڤ تەڤلیهەڤی ژی ژ بۆی ڤان سەدەمان ڤەدگەرە:
1- لەشکەرێ ترکیێ کاریبوو باكور ب ئاوایەکی باش کۆنترۆل بكه.
2- ده‌وله‌تا سووریێ سینۆرێن خوە ل سەر پەکەکێ داخستن و رێ نەدا پەکەک ژ بۆی شەر سینۆرێ وان بکار بینە.
3- د سالا 1982ان ده ئیسرائیلێ شه‌ره‌ك دژوار ل لبنانێ ئه‌نجام دا و سووریه ژى کەت خەتەریەک مه‌زن دە.
4- شه‌رێ ئیسرائیلێ ل دژی فه‌لسه‌تینێ و ئالیکاریا پەکەکێ ب فەلەستینێ رە ل دژی ئیسرائیلێ پەکەکە و عەڤدللا خستن د رەوشەکە پڕ خەراب دە.
5- حكوومه‌تا سوورىێ ئالیکاریێن لۆژستیک ژ پەکەکێ و هێزێن فه‌لستینى قوت کرن.
ڤێ یەکێ ووسا کر کو عەڤدللا و پارتیا وی بکەڤن د رەوشەکە پڕ خەراب دە و ب تەنێ ببە پارتیا دەرکرنا داخویانیان، د ڤان داخویانیان دە پەکەکێ هەر تم دگۆ، ئەمێ د هاڤینا ئیسال دە شەرێ چەکداری پێش بخن و بکن سالا سەرکەتنێ، لێ گەلەک هاڤین دەرباس بوون، ئەڤ یەک ب ئاوایەکی ووسا دوبارە دبوو کو گەل حەنەکێن خوە ب پەکەکێ دکرن و ژ پەکەکێ رە دگۆ «پارتیا شەرێ هاڤینێ».
ئاكیول دبێژە: «پەکەکێ هەر تم دگۆ هاڤینا بێ ئەمێ ده‌ست ب شه‌رێ چه‌كدارى بکن، لێ هاڤینا سالا 1982ان ژی هات و هێژان شەر نەهاتبوو کرن، پەکەکێ ژ نەچاری گۆت مە شەرێ چه‌كدارى ژ بۆی هاڤینا سالا 1983ان پاشخستیە، لێ ئه‌و سال ژى هات و ت شەرەک نەهات کرن، ژبه‌ر ڤێ یەکێ بریارا شەرێ چه‌كدارى یا پەکەکێ د ناڤا گەل دە ببوو جیهێ حەنەکان».
د سالا 1982ان دە عەڤدللا ئۆجالان هه‌وارا خوە دگهینە «مەسعوود بارزانى، سه‌ۆركێ پەدەکێ» و داخوازا ئالیکاریێن لۆژستیک ژێ دکە، بارزانى رازی دبە كو ئالیکاریا پەکەکێ بكه و ب ڤی ئاوایی لهەڤهاتنەک د نێڤبەرا ئۆجالان و بارزانی دە تێ ئیمزە کرن، هن ژ خالێن ڤێ لهه‌ڤهاتنێ ووسا بوون:
1- پارتیا دەمۆکراتا كوردستانێ وێ رێ بدە گه‌ریلایێن پەکەکێ دەرباسی باشورێ كوردستانێ ببن و وێ ئالیکاریا لۆژستیک پێشکێشی وان بکە و هەر وها وێ گەریلایان فێری شه‌رێ پارتیزانى بکە.
2- نابە پەکەکە ل باشوورێ كوردستانی رێخستنێ بكه و نابە سینۆران ژ بۆی شه‌رێ چه‌كدارى بكاربینە.
ده‌رباره‌ى لهەڤهاتنێ، عەڤدللا ئۆجالان دبیژە: «لهەڤهاتنا پەکەکێ ب پەدەکێ رە دبه وه‌رچه‌رخانه‌كە دیرۆكى ژ بۆی پەکەکێ، ئه‌ڤ لهەڤهاتن دبه ده‌رفه‌ته‌كە پڕ باش ژ بۆی ده‌ستپێكا خه‌باتا مە یا چه‌كدارى، ئه‌ڤ لهەڤهاتن بوویە ئالیکارەک پڕ باش ژ بۆی ده‌ستپێكا شەرێ پارتیزانی ل دژی لەشکرێ ترکیێ د هوندرێ ترکیێ دە، گرنگیا ڤێ لهەڤهاتنێ نە كێمترە ژ لهەڤهاتنا د نێڤبەرا پارتیا كاركه‌ران و حكوومه‌تا سووریێ دە».
ده‌ربارێ ڤێ لهەڤهاتنا د نێڤبەرا پەدەکێ و پەکەکێ دە، بارزانى د هەڤدیتنەکە چاپەمەنیێ دە ب رۆژنامه‌ڤان «رەفعەت بالى» رە كو د پرتووکا دۆسەیا كورد، رووپەل 446 دە ژی هاتیە نڤێساندن، دبێژە: «ئه‌ڤ یەک جیهێ شانازیێ یه كو ب خوینا شه‌هیدان ئه‌م بکارن پەرچەیەک ژ كوردستانێ ئازاد و رزگار بکن، ئه‌ڤ پەرچە ژ مە رە مینا كه‌لهه‌ك بهێزە، نە ژ بۆی مە ب تەنێ، به‌لكو ژ بۆی هه‌ر کوردەکی، له‌وما ژی ژ به‌ر ڤێ یەکێ و ڤان ئه‌گه‌ران مه لهەڤهاتن ب پەکەکێ رە ئیمزە كر».
پەدەکە کاری پەکەکێ ژ پارتیا کو گەل حەنەکێن خوە پێ دکرن، بکە پارتیه‌ك شەرکەر! لێ پەکەکێ هەول دا پەدەکێ ب پارتیەکە فەئۆدالی ژ گەل ره بدە ناسکرن.
پشتى ڤێ لهەڤهاتنێ پەدەکێ تەڤ ئه‌ركێن ل سه‌ر ملێن خوە ئه‌نجام دان، پەدەکێ ب ئاوایەکی ئالیکاریا پەکەکێ کر کو هەتا رێخستنا خوە یا ل باكورێ کوردستانێ خستە د خزمەتا پەکەکێ دە، ب تایبەتی ئەو ئەندامێن پەدەکێ یێن کو ل سه‌ر سینۆر ژیان دکرن.
لێبەلێ پەکەکە ب تەمامی بەرەڤاژی خالێن ڤێ لهه‌ڤهاتنێ تەڤگەریا و پابەند نەبوو، پەکەکێ خوە ل سێگۆشه‌یا «باكور – باشوور – رۆژهه‌لات» جیهـ کر و شه‌ر ئانی سینۆران، د چاپەمەنیا خوە دە ژی ب ئاوایەکی هەری توند ئێریشی پەدەکێ و بارزانییان کر.
ب کورتاسی، پەدەکە کاری پەکەکێ ژ پارتیا کو گەل حەنەکێن خوە پێ دکرن، بکە پارتیه‌ك شەرکەر! لێ پەکەکێ هەول دا پەدەکێ ب پارتیەکە فەئۆدالی ژ گەل ره بدە ناسکرن.
ژ بەر ڤان سەدەمان نە شاشە کو مرۆڤ ژ پەکەکێ رە ببێژە: «كتكا چاڤنق».
