پارتیا گەلان یا وەکهەڤی و دەمۆکراسیێ دەم پارتی، ل گەل رێڤەبەرێن پارتیا هەرێمێن دەمۆکراتیک ده‌به‌پێ و نامزەدێن شارەداریان خوەست کو ل ئامه‌دێ د بن ناڤێ «مەشا ئازادیێ» دە بمەشن لێ پۆلیسان دەستوور نەدا.
نامزەدێن دەم پارتیێ یێن ئامه‌دێ، دوهـ دوشەم، 12\02\2024 ل ئامه‌دێ خوەست کو هەم خەباتێن خوە یێن هلبژارتنێ یێن ناڤ گەل بدن دەستپێکرن، هەم ژی د بن ناڤێ «مەشا ئازادیێ» دە ل ئامه‌دێ ژی مەشێ بدن دەستپێکرن، ل هەڤ جڤیان لێ پۆلیسان دەستوورێ نەدا.
ژ بەر کو بەریا نها ژ بۆ ڤان مەشان ل گەلەک باژارێن باکورێ کوردستانێ قەدەغەیا چالاکیان هاتبوو راگهاندن، پشتی نیقاشێن کو د ناڤ کۆمێ و پۆلیسان دە دەرکەتن، پۆلیسان هەول دا کو نامزەدێن شارەداریان دەستەسەر بکن، لێ پشتی ئاخافتنێن رێڤەبەرێن پارتیێ و رێڤەبەرێن ئەولەهیێ، هات لهەڤکرن کو کۆم بەلاڤ ببە.
