ژ دەستپێکا مەها ئادارێ ئێرش و شەواتێن ل سەر ئۆفیسێن ئه‌نه‌كه‌سێ و په‌ده‌كسێ ل رۆژئاڤا زێدە بوونە. ئەڤ روودان کەتن رۆژەڤا رایا گشتی و ژ ئالیێ رایا گشتی یا کورد ڤە ژی بەرتەک هات نیشاندان. پاشێ، بالیۆزخانەیا ئەمەریکایێ یا ل سووریێ د 8ێ ئادارێ دا داخویانیەک دا و راگهاند کو «دڤێ ئێریش دەملدەست ب داوی ببن». لێ بەلێ ئێریش ب داوی نەبوون.
ناسنامەیا ئێرشکاران دیارە «رێخستنا جوانێن په‌كه‌كێ» یە
شەڤا 10ێ ئادارێ ل باژارێ دێرکێ و 11ێ ئادارێ ژی ل گرکێ لەگێ نڤیسینگه‌ها په‌ده‌كسێ هات شەوتاندن. هەر چەند کەسێن کو نڤیسینگەهـ شەوتاندی وەکی “کەسێن ناسنامەیا وان نەدیار” هاتن بناڤکرن ژی، لێ ناسنامەیا ڤان ئێرشکاران وەکە رۆژێ زەلالە ناسنامەیا وان په‌كه‌كەیە. بەرپرسیارێن سەرەکە یێن ڤان چالاکیان پێکهاتەیێن په‌كه‌كێ یێن ل رۆژئاڤا ب ناڤێن جودا تەڤدگەرن. ناڤێ هەری ل پێش رێخستنا ب ناڤێ جوانێن شۆرەشگەرە.
ڤان ئێرشان بێناڤبر دەهـ رۆژان بەردەوام کر، بوویەر د مەدیایا جڤاکی دا بوو مژارەکا بالکێش و یا هەری گرینگ ژی بالیۆزخانەیا ئەمەریکایێ یا سووریێ داخویانیەکا هشیاریێ دا رێڤەبەریا رۆژئاڤا. رێڤەبەرییا خوەسەر ژ بۆ كو خوە پاک دەربێخیت ب پێدڤی دیت داخویانییەکێ بده‌ت. ئەڤ داخویانی ل سەر ناڤێ ئاساییشا گشتی یا رۆژئاڤا هاته دان.
داخویانیا دوروو یا ئاساییشا گشتی یا رۆژئاڤا
د داخویانیا کو دوهـ ل سەر مالپەرا فەرمی یا ئاساییشا رۆژئاڤا هاتیه وەشاندن دا هات گۆتن کو ئەو چوونە جهێ بوویەرێ و موداخەلەیا رەوشێ کرنە و وه‌ها هات گۆتن: «ژ بۆ گرتنا کەسێن کو بوویەر پێک ئانینە لێپرسین هاتیە دەستپێکرن”.
ئەڤ داخویانیا ئاساییشا گشتی یا رۆژئاڤا ژ ئالیێ مەدیایا کوردی ڤە بێ شیرۆڤە هاته وه‌شاندن و رەوشەكا وەک کو ئاساییشا گشتی یا رۆژئاڤا ل دژی ڤان شەوتاندنان و ئێرشانە هاته پێش. لێبەلێ، ئەڤه نەراست بوو. ئەڤ ئاوایێ راگهاندنا نووچەیان ب راستی کەسێن کو نڤیسینگەهـ شەوتاندنە بێگونەهـ دبینە. ئەڤه نەهەلوەستەکێ ل گەل ئەتیکا رۆژنامەگەریێ یە. ژ بەر کو سیاسەتا کو ل رۆژئاڤا ل سەر ئۆپۆزسیۆنێ دهێته مەشاندن ژ ئالیێ دەستهلاتداریەکا ناڤەندی و ل گۆری پۆلیتیکایا گشتی یا په‌كه‌كێ دهێته مەشاندن. ب راستی پشتی داخویانیا ئاساییشا گشتی یا رۆژئاڤا، ئۆفیسا په‌ده‌كه‌سێ ل باژارێ گركێ لەگێ هات شەوتاندن. گرکێ لەگێ دەڤەرەکا پر کۆنترۆلکری یە کو پارزوونگەها پەترۆلێ تێ دا یە و ل هەر تاخه‌كێ وێ بنکە و هێزێن ئەولەهیێ هەنە. ئانكو، کەسێن کو ئۆفیس شاوتاندین، دزانین کو ئەو ناهێنه گرتن.
ئێریشێن ل سەر ئۆفیسێن ئه‌نه‌كه‌سێ و په‌ده‌كسێ نە بریارا کەس و کۆمێن بچووکە. ئەڤ بریار د ناڤەندا رێخستنا په‌كه‌كێ دا دهێنه دان. لێ یێن ڤێ بریارێ پێکتینن رێخستنا «جوانێن شۆرەشگەر»ە. جوانێن شۆرەشگەر، باسکێ رێخستنا په‌كه‌كێ یا ب ناڤێ کۆمەلا جوان، کو ناڤەندا وێ ل قەندیلێ و چیایێ کارۆخێ یە، رێخستنەکا کرێگرتی یه و تەنێ بریارێن ناڤەندا په‌كه‌كێ بجهـ دئینیت. جوانێن شۆرەشکەر تەنێ هێزا پراكتیکی یە.
پێشاندان جودایە پێکائنین جودا
ناڤێ کەسێن ئێرشکەر قەت نەگرنگە، په‌كه‌كێ ل رۆژئاڤا ب دەهان ناڤ، سازی و کۆمێن جودا ب ئاوایەکی فەرمی و نەفەرمی ئۆرگانیزەکرینە. هەموو سازیێن کو بەحسا وان تێ کرن دووڤەلانکن. ئەنداما دیوانا هەڤسەرۆکاتیا په‌یه‌دێ فەوزا یووسف (زاخۆ زاگرۆس) وەک سیاسەتمەدارەکا سڤیل دەردکەڤە پێشبەری تەلەڤیزیۆنان و داخویانیان ددەت، پشترە دچیتە قەندیلێ و ب ناڤێ «زاخۆ زاگرۆس» تەڤلی جڤینا مەجلیسا رێڤەبەر یا په‌كه‌كێ دبیت. ئیلهام ئەحمەد کو سەرۆکا دەستەیا رێڤەبەرا مه‌سه‌دێ یه ژی ب ناڤێ رۆناهی عەفرین د کۆنسەیا رێڤەبەرا کجکێ دا جهـ دگرە.
ل رۆژئاڤا سیستەمەکێ رێڤەبەریێ هاتیە چێکرن کو خوەدی دو کەسایەتی، ناسنامە و ئەرکن. واته ناڤێن ئەرکداران تەنێ بۆ خاپاندنێ تێ ب کار ئانین.
هەر چەند کو ئاساییشا گشتی داخویانیەکا رێكاری دابە ژی، لێ راستی بەرۆڤاژی ڤێ یەکەیە. هایا ئاساییشا گشتی ژ ئێریشێن ل سەر ئۆفیسێن ئه‌نه‌كه‌سێ و په‌ده‌كسێ بەریا کو بێن کرن، هەبوو. ژ بەر کو ل هەر باژاره‌كێ رۆژئاڤا کۆئۆردیناسیۆنا باژاران هەیە و د ڤێ کۆئۆردیناسیۆنێ دا ئاساییشا گشتی، هێزێن لەشکەری، هێزێن پارتیێ، تەڤگەرێن ژن و جوانان ب هەڤ را دجڤن و تەڤدگەرن.
یانی، ئاساییشا گشتی نه‌شێت کەسی بگریت، ژ بەر کو ئەو هەڤکارێن ئێرشکەران و هەڤپارێن هەمان تاوانێ نە. گەر وه‌ها نەبیت، نە مومكینه کو بەرپرسیارێن ئێرشا ل سەر ئۆفیسا دێرکێ نەیێن گرتن. گەر جهێ شەواتێ ئاڤاهیەکێ په‌یه‌دێ با، ئاساییشا گشتی دێ د ناڤا 2 ساعەتان دا کەسێن کو ئەو شەوتاندبوون پەیدا كربان. داخویانیا کو ل سەر ناڤێ ئاساییشا گشتی هاتیە دان، وەکە پێدڤیه‌كێ بوو تەنێ ژبۆ بەرسڤدانا داخویانیا بالیۆزاخانه‌یا ئەمەریکا و ژ بەر بەرتەکێن رایا گشتی یا کورد بوو.
ل سەر ڤێ مژارێ مالپەرا مە نڤیسەکا نرخاندنێ ل سەر شێوازێ روودان و سیستەما رۆژئاڤا بەلاڤ کر بوو.
مه‌زلووم عه‌بدی بەرپرسێ ئێریشا ل سەر بیرئانینا مەلا مستەفا بارزانی یە
