وەزیرێ بەرەڤانیێ یێ ترکییێ ئاماژە ب ئۆپەراسیۆنێن ئارتێشا ترکیەیێ یێن ل دەڤەرێن سینۆری یێن ھەرێما کوردستانێ کر و گۆت: “قەندیل و گارە دێ ئارمانجێن سەرەکی یێن ئۆپەراسیۆنێن مە بن، دێ مە ل وان دەڤەران کارێن گرنگ ھەبن”.
وەزیرێ بەرەڤانیێ یێ ترکییێ یاشار گولەر بەری تەڤلیبوونا د جڤینا فراکسیۆنا ئاک پارتیێ دە بال کشاند سەر ئۆپەراسیۆنێن ئارتێشا وەلاتێ خوە د چارچۆڤەیا “رووبرووبوونا تەرۆرێ” دە و ژ رۆژنامەڤانان رە گۆت، “دوشەمبا بێ سەرۆککۆمارێ ترکییێ ب سەردانەکا فەرمی دچە ئیراقێ”. ھەروھا گۆت، “پشتی چەند سالان، ژ بۆ جارا یەکێ لھەڤکرنەکا ستراتەژیک ب بەرپرسێن ئیراقێ رە ئیمزا کریە”.
وەزیرێ بەرەڤانیێ یێ ترکییێ د بەرسڤا پرسیارەکێ دە کا گەلۆ ئەردۆگان دێ د چارچۆڤەیا سەردانا خوەیا ئیراقێ دە سەردانا ھەولێرێ ژی بکە یان نا گۆت، “ئەز تەنێ ھایدارێ وێ یەکێ مە کو سەردانا بەغدایێ دکە”.
یاشار گولەر ئاماژە ژی دا، “ب کووراتیا 30 کیلۆمەتران ل وی ئالی ھێلەکا ئەولەھیێ ھەیە، قەندیل و گارە دێ ئارمانجێن سەرەکی یێن ئۆپەراسیۆنێن مە بن.
