ئەندامێن رێخستنا ب ناڤێ “جوانێن شۆرەشگەر” یا راستەراست فەرمانا ژ قەندیلێ وەردگرە زارۆکەک کو ژ دێرەزۆرێ رەڤاند و بەر ب باژارێ شەدادیێ یێ باشوورێ حەسەکێ ڤە بر.
تۆرا سووری یا مافێن مرۆڤ د داخویانیەکێ دە راگھاند: زارۆکا ب ناڤێ نوور مازن ئەلعەلووش، خەلکا گوندێ معیزیلە یێ کو دکەڤە گوندەوارێ باکورێ پارێزگەھا دێرەزۆرێ یە، کو تەمەنێ وێ 14 سالییە، ل رۆژا 15/5/2024 ژ ئالیێ ئەندامێن جوانێ شۆرەشگەر ڤە هاتیە رەڤاندن و بەر ب یەک ژ کامپێن خوە یێن لەشکەرکرنا زارۆکان ل باژارێ شەدادیێ یێ گوندەوارێ پارێزگەھا حەسەکێ ڤە بریە.
داخویانیا تۆرا سووری یا مافێن مرۆڤ وھایە: تۆرا سووریێ یا مافێن مرۆڤ دیار دکە کو چ کەس ژ مالباتا وێ کەچێ ژ ڤێ یەکێ نەھاتیە ئاگاھدارکرن و رێ ل بەر وێ ھاتیە گرتن کو پەیوەندیێ ب مالباتا خوە بکە، یان ژی مالباتا وێ سەرەدانا وێ بکە، و ئەم دترسین کو ئەو راستەراست یان نەراستەراست بەشداریێ د چالاکیێن لەشکەری دە بکە.
هەر وەها تەکەز کر کو نێزیکی 341 زارۆک ھینا ل کامپێن گرێدایی ھێزێن سووریا دەمۆکراتیک د بن لەشکەریا نەچار دە نە.
تێ زانین فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچاری دکن.
