حکوومەتا ترکیەیێ راوەستاندنا گەشتێن ئاسمانی لگەل فرۆکەخانەیا ناڤدەولەتی یا سلێمانیێ بۆ 6 مەھێن دن درێژ کر.
رێڤەبرێ گشتی یێ فرۆکەخانەیا ناڤدەولەتی یا سلێمانیێ ھەندرێن ھیوا راگھاند، حکوومەتا ترکیەیێ راوەستاندنا گەشتێن ئەسمانی لگەل فرۆکەخانەیا ناڤدەولەتی یا سلێمانیێ ھەتا 7/12/2024 درێژ کر.
حکوومەتا ترکیەیێ رۆژا 23/12/2023 راوەستاندنا گەشتێن ئەسمانی لگەل فرۆکەخانەیا ناڤدەولەتی یا سلێمانیێ ھەتا 22/6/2024 درێژ کربوو.
پێشتر ژی بەردەڤکا وەزارەتا دەرڤەیا ترکەیێ، راوەستاندنا گەشتێن ئاسمانی لگەل فرۆکخانەیا سلێمانیێ، ژ بەر زێدەبوونا چالاکیێن پەکەکێ ل پارێزگەھا سلێمانیێ ڤەگەراندبوو.
فرۆکەخانەیا ناڤدەولەتی یا سلێمانیێ ل بەکرەجۆیە کو 15 کیلۆمەتران دووری سلێمانیێ یە، کەڤرێ بنگەھین یێ فرۆکەخانێ د سالا 2003 دە ھات دانین و سالا 2005 تەمام بوو و کەتە کار.
