رێخستنا “جوان شۆرەشگەر” یا گرێدایی پارتیا کارکەرێن کوردستانێ (پەکەکێ) زارۆکەک تەمەن بچووک ژ باژارێ منبجێ یێ گوندەوارێ حەلەبێ رەڤاندن.
تۆرا چاڤدێریا مافێن مرۆڤان یا سووریێ راگهاند، “جوانێن شۆرەشگەر زارۆکێ 14 سالی یێ ب ناڤێ مەجدەدین محەمەد موستەفا ناڤێ دایکا وی دەلال، ژ باژارێ منبجێ رەڤاند و بەر ب کامپێن لەشکەرکرنا زارۆکان ڤە بر.”
تەڤی کو ھەسەدێ د خزیرانا 2019 دە لگەل نەتەوێن یەکگرتی پلانەک ژ بۆ بداویکرن و قەدەغەکرنا تەڤلیکرنا زارۆکان د ناڤا چەکداران دە ئیمزە کربوو. لێ ژ دەما کو پەیمان ھاتیە ئیمزەکرن ڤە، رەوشا رەڤاندنا زارۆکان بداوی نەبوویە.
مالباتێن زارۆکێن رەڤاندی ژی کریارێن تەڤگەرا جوانێن شۆرەشگەر شەرمەزار دکن و بانگ ل رێخستنێن کو گرینگیێ ددن مافێن زارۆکان، رێخستنێن ناڤدەولەتی و ئالیێن پێوەندیدار دکن کو فشارێ ل رێڤەبەریا خوەسەر و ھەسەدێ بکن تا کو چارەنڤیسا زارۆکێن وان دیار بکن.
