ھەڤدەم لگەل کریزا سۆتەمەنیێ و برێکخستنا دەمژمێرێن کارکرنێ یێن مووەلیدەیێن کارەبێ ژ بەر کێمبوونا سۆتەمەنیێ ل باژار و باژارۆکێن رۆژئاڤا کوردستانێ، رێڤەبەریا یەکیتیا دەمۆکراتیک (پەیەدێ) ژ بۆی کۆمێن چەکدارێن سەر ب ئارتێشا ترکیێ، ب رێژەیێن پێویست نەفتا خاڤ دشینە.
روانگەها سووری یا چاڤدێرییا مافێن مرۆڤان ڤیدیۆیەک بەلاڤ کر کو تێ دە کامیۆنێن ب پەترۆلا خاڤ بارکری ژ دەڤەرێن د بن کۆنترۆلا رێڤەبەریا پەیەدێ دە تێن، د رێیا دەرباسگەھا ئوم جەلوود یا گوندەوارێ منبجێ رە دەرباسی دەڤەرێن چەکدارێن سەر ب ئارتێشا ترکیێ ڤە دبن.
هەر د ڤێ دەمێ دە، رێڤەبەریا پەیەدێ بەشەک ژ سۆتەمەنیا مووەلیدەیێن کارەبێ ل قامشلۆ و حەسەکێ قوت کر، کو بوو سەدەما کیمکرنا کارێ وان ژ 8 دەمژمێران بۆ 6 دەمژمێران، و نرخێ ئامپێران ل قامشلۆ ھات بلندکرن.
رێڤەبریا پەیەدێ گرنگترین بیرێن نەفت و گازێ ل ھەرێمێ کۆنترۆل دکە و ژ وان بیرێن (رمێلان و ئەل-سووەیدیە) ل گوندەوارێ دێرکێ، و (ئەل-شەدادی و ئەل-جبسا) ل گوندەوارێ حەسەکێ، زەڤیێن (ئەل-عۆمەر و ئەل-تەناک) ل گوندەوارێ دێرا زۆرێ.
ئەڤ د دەمەکی دە یە کو وەلاتیێن باژار و باژارۆکێن رۆژئاڤا کوردستانێ ژ بەر کێمییا سپتەمەنیا حکوومی، نەچار دمینن کو سۆتەمەنیێ ب نرخەکی پر بلند کو دگەهە 5000 لیرەیێن سووری بۆ هەر لیترەکێ بکرن، و رێڤەبەرییا پەیەدێ پارا مووەلیدەیێن کارەبێ ژی کێم کریە کو بوویە سەدەم دەمژمێرێن پێدانا کارەبێ ب وەلاتیان کێم ببە و بوهایێ ئەمپێران ژی زێدە ببە.
