هه‌په‌گێ باسكێ له‌شكه‌ری یێ په‌كه‌كێ ئیرۆ ناسنامەیا 4 گەریلایێن کو ل دەڤەرا کێلا مەمێ یێ شرنەخێ كه‌تنه به‌ر ئێریشێن ده‌وله‌تا ترك ئەشکەرە کر.
هه‌په‌گێ ئیرۆ رۆژا چارشه‌می 4 ئیلۆنا 2024ێ، ناسنامه‌یا 4 چه‌كدارێن خوه ئاشكه‌ره كر كو ل 17 ته‌باخا ئیسالێ ل دەڤەرا کێلا مەمێ یا شرنەخێ كه‌تنه به‌ر ئێریشێن ده‌وله‌تا ترك و هاتبوون كوشتن و ژ نوو ڤه ئیرۆ مرنا وان ئیفشا كر.
ده‌ستنیشان كر، گەریلایێن ب ناسناڤێن خەبات جوودی و زامانی ئامانۆس ل 17 ێ تەباخا 2024ان ل دەڤەرا کێلا مەمێ یا شرنەخێ هاتنه كوشتن.
هەر وها گەریلایێن ب ناسناڤێن یلماز دێرسم و سەرحەد ژێهات ژی ل هەمان دەڤەرێ ل 18ێ تەباخێ جانێ خوە ژ دەست دایە.
هپگیێ دیار کر کو وان گەریلایان د ئێرشا ئاسمانی دە جانێ خوە ژ دەست دایە.
هپگیێ دا زانین کو سەرهەد ژێهات 15ێ تەباخا 2005ان، یلماز دێرسم سالا 2013ان، خەبات جودی سالا 2015ان تەڤلی رەفێن په‌كه‌كێ بوویە.
