ئۆفیسا نەتەوێن یەکبوویی یا ژ بۆ مادەیێن هشبەر و تەوانان رادگەهینە کو باژارێ سلێمانیێ بوویە ناڤەندا ڤەگوهەستنا مادەیێن هشبەر بۆ ناڤخوەییا هەرێما کوردستانێ و ئیراق و هەروه‌ها ئەورۆپایێ ژی.
مالپەرا ئاڤا بەلاڤ کر کو د دووڤچوونەکە هوورا ئۆفیسا نەتەوێن یەکبوویی یا ژ بۆ مادەیێن هشبەر و تەوانان کو د مەها تیرمەها ئیسال دە ئەنجام دایە، ب هوورگلی ئاماژە ب وێ یەکێ هاتیە کرن کو ئیراقێ سێ دەریێن سەرەکی هەیە ژ بۆ ئانینا هوندرا مادەیێن هشبەر، یەک ژ وان سێ خالێن سەرەکی ژی سلێمانییە. ئەو خالا کو ب ئاوایەکی ترانسێتا سەرەکە یا مادەیێن هشبەر هاتیە دانین د ناڤبەرا وەلاتێن ئافگانیستان و ئیران و پشترە ژی سلێمانییە، ژ وێ دەرێ ژی بەشەک ژ وان مادەیان دشینن بۆ وەلاتێن ئەورۆپایێ.
ل گۆر وێ نەخشەیا کو راپۆرتێ دە هاتیە دیار کرن، ل سلێمانیێ دەست دانینا سەر مادەیێن هشبەر د ئاستا هەری کێم دە یە و داناڤبەره ەڤ و موقایەسە ل گەل باژارێ هەولێر، دهۆک و زاخۆ نایێ کرن ژ بەر تەڤدیرێن توند ل سینۆرێ وان باژاران ژ بۆ مادەیێن هشبەر هاتنە گرتن.
بەری نها وەزارەتا ناڤخوە یا ئیراقێ ب هەڤکاریا حکوومەتا هەرێما کوردستانێ کارگەهەکا چێکرنا مادەیێن هشبەر ب ئۆپەراسیۆنەکا ئەولەهیێ ل دەرڤەیی سینۆرێ پارێزگەها سلێمانیێ، ل قەزا دەربەندیخانێ دەست دانینا سەر راگەهاندبوو.
بەری نها لاهور جەنگی کو هەڤسەرۆکێ بەرێ یێ یه‌نه‌كێ بوو راگەهاندبوو: ئەو کارگەها بەرهەمانینا مادەیێن هشبەر خوەدیێ وێ بەرپرسەکی پایەبلندێ یه‌نه‌كێ کو دخواست جوانێن دەڤەرا سلێمانیێ فێری مادەیێن هشبەر بکە و هەموویان بکە پێکەتیێن مادەیێن هشبەر.
