رێڤه‌به‌رێ په‌كه‌كێ مورات كارایلان د نووترین داخویانییا خوه ده ڤه‌كری دبێژه كو ئه‌و دێ شه‌رێ خوه یێ ساخته و عه‌سكه‌رێ ترك پێتر كێشی «هه‌رێما به‌هدینانێ» بكن.
مورات كاریلان د به‌شا دویه‌مین یا هه‌ڤپه‌یڤینا خوه ده ب رۆژنامەیا یەنی ئۆزگور پۆلیتیکایێ ره هنه‌ك نرخاندن بۆ رۆژه‌ڤێ كرن و د به‌شه‌كه ئاخافتنا خوه ده گۆت: «بەهدینان وێ ژ ئارتێشا ترک رە ببە گۆرستان». ئه‌ڤ گۆتن دهێته وێ واته‌یێ كو ل قۆناغا پێش مه، داگیركه‌رییه‌ك نوو وێ وه‌ره ژیان كرن.
سۆزێن ئۆجالان د چارچووڤێ میساقا مللی ده داینه ده‌وله‌تا ترك
هەر کو دچە سۆزێن كو عه‌بدوللا ئۆجالان د چارچووڤێ «میساقا مللی» دە داینه ده‌وله‌تا ترك پێتر ئه‌شكه‌ره دبن و تێن جیبجی كرن، پیلانێن هه‌ڤپارێن «ئیمرالیێ – میتێ» یێن ل دژی باشوورێ كوردستانێ كو ژ هێلا گرووپا ئه‌نقه‌رێ و قه‌ندیلێ تێن پراكتیزه كرن هه‌یا رۆژا مه یا ئیرۆ ده‌وام دكن، رێخستنا په‌كه‌كێ ووسا ل سه‌ر ئه‌ساسێ خزمه‌تێن ئۆجالان یێن ژ بۆی میتێ، بوویه جیهێ باوه‌رییا ده‌وله‌تا ترك ل باشوورێ كوردستانێ.
مورات كارایلان رۆژا 25 جۆتمه‌ها 2024ێ گۆت: «گەریلا نەتەنێ ل گارێ، ب بریارە کو ل هەموو بەهدینانێ ئارتێشا ترک تێک ببە. بەهدینان وێ ببە داوییا ئارتێشا ترک، ئاكه‌پێ و مه‌هه‌پێ و رەژیما ئەرگەنەکۆنێ».
ئه‌ڤ ئاخافتنا كارایلان ب وێ واته‌یێ تێ كو شه‌رێ ساخته یێ نها په‌كه‌كه ئیدیعا دكه كو ل گارێ تێ مه‌شاندن، دێ ده‌رباسی ناڤچه‌یێن به‌هدینانێ ببه، ب ئاوایه‌كی كو به‌هدینان وێ ژ بۆی داگیركه‌ران ببه گۆڕستان، ب گۆتنه‌ك دن ئارتێشا ترك دێ زێده‌تر بكه‌ڤه ناڤ كووراهییا خاكا هه‌رێما به‌هدینانێ و گه‌له‌ك ناڤچه‌یێن ڤێ هه‌رێمێ وێ ببن قادێن شه‌ر و ناڤچه‌یێن عه‌سكه‌ری.
سیاسەتا په‌كه‌كێ یا راده‌ست كرنا خاكا باشوورێ كوردستانێ د چارچووڤێ «میساقا مللی» یا ترکیێ دە ب ئاگاهدارییا دەولەتێ و گرۆپا ئەنقەرەیێ تێ جی ب جی کرن، ڤان هەولان هه‌ری زێده ل سالا 2020ێ ب ده‌ستپێكرنا ئۆپه‌راسیۆنا «په‌نجه پلنگ» ده‌ستپێكر، په‌كه‌كێ ژ وێ سالێ ڤه ب ده‌هان ناڤچه‌یێن به‌هدینانێ بێ شه‌ر بۆ ئارتێشا ترك هشتن.
داركا مازی ل سالا 2020 خه‌ته‌رییا پیلانا په‌كه‌كێ یا ڤه‌گوهه‌رینا به‌هدینانێ بۆ ناڤچه‌یا شه‌ر پارڤه‌كربوو.
