ئیرۆ هلبژارتنا سەرۆکاتیا ئامەریکایێ تێ کرن

هلبژارتنا سەرۆککۆماریا ئامەریکایێ ئیرۆ 5ێ مژدارێ تێ کرن. زێدەتری 186 ملیۆن کەس مافێ وانێ دەنگدانێ هەیە.

کۆمارپارێز و دەمۆکرات د ڤێ هلبژارتنێ دە ژی وەک هەر جارێ بێن هەمبەری هەڤ. سەرۆکێ بەرێ یێ ئامەریکایێ دۆنالد ترامپ نامزەدێ کۆمارپارێزانە و جیگرا سەرۆکێ نها کامالا هاڕیس ژی نامزەدا دەمۆکراتانە.

دۆنالد ترامپ ل کۆمبوونا ل پتتسبورغ، پەننسیلڤانا سۆز دا دەنگدەرێن ئامەریکی، ئەو «دێ ئەنفلاسیۆنێ ژ هۆلێ رابکە» و ئەوێ «ئاشتیێ ل جیهانێ ڤەگەرینە».

کامالا هاڕیس ژی د میتینگەک ل پەننسیلڤانا دە، بانگ ل هەموو دەنگدەران کر کو دەنگێ خوە بدن و گۆت کو هەر دەنگەک دێ د هلبژارتنێ دە جووداهیەک چێبکە.

هاڕیس هەروها گۆت ژی: «نیشانان د بەرژەوەندیا مە دەنە» و سۆز دا کو ئەوێ «نفشەکە نوو یا سەرۆکاتی» ل دەولەتێن یەکبوویی پەیدا بکە.

ژ چەند هەفتەیان ڤەیە، دەنگدەران دەست ب دایینا دەنگێن خوە د دەنگدانا زوو دە کرن. ل گۆری لابۆراتۆریا هلبژارتنێ یا زانینگەها فلۆردایێ، زێدەتری 77 میلیۆن دەنگێن خوە د دەنگدانا پێشوەخت دە دانە.

کۆمارپارێز و دەمۆکرات دو پارتیێن سەرەکەیێن قادا سیاسی یا دەولەتێن یەکبوویی یا ئامەریکایێ نە. هەر دو پارتی ل سەر سیاسەتا ناڤخوەیی و دەرڤە یا ئامەریکایێ سەردەستن.

پارتیا کۆمارپارێزان د سالا 1854ان دە هاتیە دامەزراندن و 19 سەرۆک ژێ هاتنە هلبژارتن.

پارتیا دەمۆکراتان، کو د سالا 1828 دە هاتیە دامەزراندن، خوەدیێ 16 سەرۆکان بوو. د 1829 دە ژی ئاندرەو ژاجکسۆن بووبوو یەکەم سەرۆکێ دەولەتێن یەکبوویی.